March 17, 2020
March 17, 2020
ദോഹ : ഖത്തറിലെ പ്രമുഖ ഇംഗ്ലീഷ് ദിനപത്രമായ ഗൾഫ് ടൈംസ് താത്കാലികമായി അച്ചടി നിർത്തുന്നു. ഇതോടെ നാളെ മുതൽ പത്രം കടകളിലും ഓഫീസുകളിലും വീടുകളിലും ലഭിക്കില്ല.അതേസമയം,പത്രം ഓൺലൈനിൽ ലഭ്യമായിരിക്കും.
കോവിഡ് വ്യാപനത്തിന്റെ പശ്ചാത്തലത്തിൽ ഇൻഡസ്ട്രിയൽ ഏരിയയിൽ ഗതാഗതം നിരോധിച്ചതാണ് ഇനി ഒരു അറിയിപ്പുണ്ടാകുന്നതുവരെ അച്ചടി നിർത്താൻ കാരണമെന്ന് മാനേജ്‌മെന്റ് അറിയിച്ചു. പത്രം അച്ചടിക്കുന്ന പ്രസ്സ് വ്യവസായ മേഖലയിലായതാണ് കാരണമായി പറയുന്നത്. ജീവനക്കാർക്ക് പ്രസിൽ എത്താൻ കഴിയാത്തതും തടസ്സമാകും. ഇതുസംബന്ധിച്ച അറിയിപ്പ് പത്രത്തിന്റെ ഓൺലൈൻ പതിപ്പിൽ നൽകിയിട്ടുണ്ട്. പത്രത്തിന്റെ പി.ഡി.എഫ് പതിപ്പ് സൈറ്റിൽ ലഭ്യമായിരിക്കും.
അമേരിക്കൻ പത്രമായ സ്റ്റാർ,അൽറായ അറബിക് പത്രം,അൽ വത്തൻ,ഖത്തർ ട്രിബ്യുണ് എന്നീ പത്രങ്ങളും ഇതേ പ്രസിലാണ് അച്ചടിക്കുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന നമ്പറിലേക്ക് സന്ദേശം അയക്കുക.
