December 15, 2020
December 15, 2020
ജിദ്ദ : ജിദ്ദ: ജിദ്ദ തുറമുഖത്ത് ഇന്ധനക്കപ്പലിന് നേരെ ഭീകരാക്രമണം. ഇന്നലെ രാത്രി സൗദി പ്രാദേശികസമയം 12.40-നായിരുന്നു സ്ഫോടനം നടന്നത്. അപകടത്തില് ആരും മരണപ്പെട്ടിട്ടില്ല എന്നാണ് റിപ്പോര്ട്ടുകള്. സിങ്കപ്പൂര് പതാക വഹിച്ച ബി ഡബ്ലിയു റൈന് എന്ന എണ്ണ വാഹിനി കപ്പലിന് നേരെയാണ് ആക്രമണമുണ്ടായത്.. സ്ഫോടകവസ്തുക്കള് നിറച്ച ബോട്ട് ഉപയോഗിച്ചാണ് കപ്പലിനുനേരെ ആക്രമണമുണ്ടായതെന്ന് സൗദി ഊര്ജമന്ത്രാലയം അറിയിച്ചു. സംഭവത്തെ സൗദി ഊര്ജമന്ത്രാലയം അപലപിച്ചു.
ആക്രമണത്തിനു പിന്നില് ആരാണെന്ന് വക്താവ് വെളിപ്പെടുത്തിയില്ല. മാത്രമല്ല സംഭവം ഇന്ധന വിതരണത്തെ ബാധിച്ചിട്ടുമില്ല. ഇന്ധനം ഇറക്കുന്നതിനായി കപ്പല് ടെര്മിനലില് നങ്കൂരമിട്ട സമയത്തായിരുന്നു ആക്രമണം. തുടര്ന്ന് കപ്പലില് നേരിയ തീപ്പിടിത്തമുണ്ടായി. ഉടനെത്തന്നെ അഗ്നിശമന, സുരക്ഷാ വിഭാഗം തീയണച്ചു. ഇതിനു മുമ്പും സമാനമായ ആക്രമണം നടന്നിരുന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക