February 16, 2021
February 16, 2021
ദോഹ: ദോഹയിലേക്കുള്ള പ്രധാന റോഡായ ദുഖാന് മെയിന് റോഡ് താല്ക്കാലികമായി അടയ്ക്കുമെന്ന് ഖത്തര് പൊതുമരാമത്ത് അതോറിറ്റിയായ അഷ്ഗല് അറിയിച്ചു. ഉം അല് അഫായ് ഇന്റര്ചേഞ്ചിനും അല് ജഹാനിയ ഇന്റര്സെക്ഷനും ഇടയിലുള്ള റോഡാണ് ഫെബ്രുവരി 17 ബുധനാഴ്ച രാത്രി 11 മണി മുതല് അടയ്ക്കുക. ഫെബ്രുവരി 18 ന് പുലര്ച്ചെ നാല് മണി വരെയാണ് റോഡ് അടച്ചിടുക.
ജനറല് ഡയറക്ടറേറ്റ് ഓഫ് ട്രാഫിക്കുമായി സഹകരിച്ചാണ് അഷ്ഗല് റോഡ് അടയ്ക്കുന്നത്. റോഡില് ഐ.ടി.എസ് ഗാന്ട്രീസ് (റോഡിന് കുറുകെയുള്ള സൂചനാ ബോര്ഡ്) സ്ഥാപിക്കുന്ന പ്രവൃത്തി പൂര്ത്തിയാക്കാനായാണ് റോഡ് അടയ്ക്കുന്നത്. റോഡ് അടച്ചിടുന്നത് സംബന്ധിച്ച് യാത്രക്കാര്ക്ക് മുന്നറിയിപ്പ് നല്കുന്ന സൂചനാ ബോര്ഡുകള് അഷ്ഗല് സ്ഥാപിക്കും. യാത്രക്കാര് എല്ലാവരും വേഗതാ പരിധി പാലിച്ച് സുരക്ഷിതമായി വാഹനങ്ങള് ഓടിക്കണമെന്ന് അഷ്ഗല് അഭ്യര്ത്ഥിച്ചു.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.