December 15, 2020
December 15, 2020
ദോഹ: ദോഹയിലെ സാല്വ റോഡില് ബു സംറയിലേക്കുള്ള അബ്ദുൽ അസീസ് ബിന് അഹ്മദ് ഇന്റര്ചേഞ്ച് താല്ക്കാലികമായി അടച്ചതായി ഖത്തര് പൊതുമരാമത്ത് അതോറിറ്റിയായ അഷ്ഗല് അറിയിച്ചു. ഇന്ന് രാവിലെ 11 മണി മുതല് നാളെ പുലര്ച്ചെ നാല് മണി വരെയാണ് യാത്ര നിയന്ത്രണം.
ജനറല് ഡയറക്ടറേറ്റ് ഓഫ് ട്രാഫിക്കുമായി സഹകരിച്ചാണ് അഷ്ഗല് അബ്ദുൽ അസീസ് ബിന് അഹ്മദ് ഇന്റര്ചേഞ്ച് അടച്ചത്. വലിയ സൂചനാ ബോര്ഡുകള് (ITS Gantries) സ്ഥാപിക്കുന്നതിനായാണ് ഇന്റര്ചേഞ്ച് അടയ്ക്കുന്നത്.
ഇന്റര്ചേഞ്ച് താല്ക്കാലികമായി അടയ്ക്കുന്നതുമായി ബന്ധപ്പെട്ട സൂചനാ ബോര്ഡുകള് അഷ്ഗല് സ്ഥാപിച്ചിട്ടുണ്ട്. ഈ ബോര്ഡുകളും വേഗതാ നിയന്ത്രണവും പാലിച്ച് വാഹനമോടിക്കാന് അഷ്ഗല് അഭ്യര്ത്ഥിച്ചു.
ന്യൂസ്റൂം വാർത്തകൾ വാട്ട്സ്ആപ്പിൽ മുടങ്ങാതെ ലഭിക്കാൻ +974 66200 167 എന്ന നമ്പറിൽ സന്ദേശം അയക്കുക: Click Here to Send Message
ന്യൂസ്റൂം വാർത്തകൾ ടെലിഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക.