Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
ഖത്തറിലെ ഹൈപ്പർമാർക്കറ്റുകളും ചില്ലറ വ്യാപാര സ്ഥാപനങ്ങളും ഈ നിയന്ത്രണങ്ങൾ പാലിക്കണം

March 20, 2020

March 20, 2020

ദോഹ :  കോവിഡ് രോഗപ്രതിരോധ പ്രവര്‍ത്തനങ്ങളുടെ ഭാഗമായി ഖത്തറിലെ റീട്ടെയില്‍ ഷോപ്പുകള്‍ക്ക് വ്യവസായമന്ത്രാലയം പ്രത്യേക നിബന്ധനകള്‍ ഏര്‍പ്പെടുത്തി. ഷോപ്പുകളിലെ ജീവനക്കാര്‍ രോഗികളല്ലെന്ന്  ഉറപ്പുവരുത്തുകയും കടകൾ  അണുവിമുക്തമായി സൂക്ഷിക്കുകയും വേണം.ഷോപ്പുകളിലെ ജീവനക്കാരുടെ ശരീരോഷ്മാവ് ദിവസവും രണ്ട് തവണ വീതം പരിശോധിക്കണം.കടകളുടെ  മുന്‍ഭാഗത്തും ഉള്‍ഭാഗത്തും ടോയ്ലറ്റിലും സാനിറ്റൈസറുകള്‍ സജ്ജീകരിക്കുക,ട്രോളി ബാസ്ക്കറ്റുകള്‍ ഓരോ തവണ ഉപയോഗിച്ച് കഴിയുമ്പോഴും അണുവിമുക്തമാക്കുക,വാതിലുകളുടെയും ഫ്രിഡ്ജിന്‍റെയും ഹാന്‍ഡിലുകള്‍ തുടര്‍ച്ചയായി അണുവിമുക്തമാക്കുക എന്നിവയാണ് മറ്റ് നിബന്ധനകൾ.

ഇതിനിടെ,വിവിധയിടങ്ങളില്‍ മന്ത്രാലയം നടത്തിയ പരിശോധനകളില്‍ നിരവധി നിയമലംഘനങ്ങള്‍ പിടികൂടി.ഉപഭോക്താക്കളുടെ സുരക്ഷ മുന്‍നിര്‍ത്തി രാജ്യത്തെ മുഴുവന്‍ റീട്ടെയില്‍ ഷോപ്പുകളും പ്രത്യേക നിബന്ധനകള്‍ പാലിച്ച് മാത്രമെ പ്രവര്‍ത്തിക്കാവൂവെന്ന് ഖത്തര്‍ വ്യവസായമന്ത്രാലയം നിര്‍ദേശിച്ചു.

കോവിഡ് വ്യാപനം തുടരുന്ന സാഹചര്യത്തിൽ വിലക്കയറ്റം നിയന്ത്രിക്കാൻ വാണിജ്യ വ്യവസായ മന്ത്രാലയം നടപടികൾ ഊർജിതമാക്കി. ഇതിന്റെ ഭാഗമായി മത്സ്യവും സമുദ്രവിഭവങ്ങളും പഴങ്ങൾ,പച്ചക്കറികൾ എന്നിവയും വില്‍ക്കുന്നതിനുള്ള പരമാവധി വില ഖത്തര്‍ വാണിജ്യ വ്യവസായ മന്ത്രാലയം നിശ്ചയിച്ചു. മാര്‍ച്ച് 31 വരെ പുതുക്കിയ വിലയിലായിരിക്കും വില്‍പ്പന നടത്തുക. വിശദമായ വില വിവരപ്പട്ടിക മന്ത്രാലയത്തിന്റെ വെബ്‌സൈറ്റിൽ പ്രസിദ്ധീകരിച്ചിട്ടുണ്ട്.

എല്ലാ മത്സ്യ വില്‍പ്പനശാലകളും പുതുക്കിയ വിലകള്‍ പാലിക്കേണ്ടത് നിര്‍ബന്ധമാണ്. ഇക്കാര്യത്തില്‍ നിലവിലുള്ള നിയമങ്ങളും ചട്ടങ്ങളും പ്രകാരം നിയമലംഘനം നടത്തുന്നവര്‍ക്ക് തക്കതായ ശിക്ഷ നല്‍കുമെന്നും മന്ത്രാലയം അറിയിച്ചു.
നിയമലംഘനങ്ങൾ  ലംഘനങ്ങള്‍ ശ്രദ്ധയില്‍പ്പെട്ടാല്‍ ഹോട്ട്ലൈന്‍ നമ്പറായ 16001 ല്‍ ബന്ധപ്പെടണമെന്ന് മന്ത്രാലയം നിര്‍ദേശിച്ചു.

ന്യൂസ്‌റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി  അയക്കുക.


Latest Related News