July 06, 2020
July 06, 2020
ബെംഗളൂരു : കര്ണാടക, മാണ്ഡ്യ ലോക്സഭാംഗവും മുന് ചലച്ചിത്രതാരവുമായ സുമലത അംബരീഷിന് കൊറോണ സ്ഥിരീകരിച്ചതിനെ തുടർന്ന് കർണാടക മന്ത്രിസഭയിൽ ആശങ്ക. വിവരം ഫേസ്ബുക്കിലൂടെ പുറത്തുവിട്ടത് സുമലത തന്നെയാണ്. ജൂണ് 29 ന് സുമലത വിധാന് സൗധയിലെത്തി കര്ണാടക മുഖ്യമന്ത്രി ബി.എസ്. യെദ്യൂരപ്പയുമായി കൂടിക്കാഴ്ച നടത്തിയിരുന്നു.
ജൂലൈ നാലിന് ചെറിയ തലവേദന അനുഭവപ്പെട്ടതിനെ തുടര്ന്ന് കൊറോണ പരിശോധനയ്ക്ക് വിധേയയാകുകയായിരുന്നു. തന്റെ മണ്ഡലത്തിലുടനീളം സഞ്ചരിക്കുകയും ജനങ്ങളുമായി ഇടപെടുകയും ചെയ്തതായി സുമതല വ്യക്തമാക്കി.സര്ക്കാര് ഉദ്യോഗസ്ഥര് ഉള്പ്പെടെ നിരവധി പേരുമായി സമ്പർക്കം പുലര്ത്തിയിരുന്നു. അതിനാല് താനുമായി സമ്പർക്കം പുലര്ത്തിയവര് ജാഗരൂകരായിരിക്കണമെന്നും ലക്ഷണങ്ങള് ശ്രദ്ധയില്പ്പെട്ടാന് ഉടന് പരിശോധനക്ക് വിധേയമാകണമെന്നും അവര് കൂട്ടിച്ചേര്ത്തു.
കോവിഡ് ബാധയുടെ പശ്ചാത്തലത്തില് വിധാന് സൗധ തിങ്കളാഴ്ച അടച്ചിടുകയും അണുവിമുക്തമാക്കിയ ശേഷം തുറക്കാന് തീരുമാനിക്കുകയും ചെയ്തു. വിധാന് സൗധയിലെ 50 വയസില് കൂടുതല് പ്രായമായ ജീവനക്കാര്ക്ക് അവധി അനുവദിക്കുകയും ചെയ്തിരുന്നു.
അഭിനയരംഗത്ത് സജീവമല്ലെങ്കിലും നിലവില് കര്ണാടകത്തിലെ മാണ്ഡ്യ ലോക്സഭാ മണ്ഡലം എംപിയാണ് നടി. പത്മരാജന് സംവിധാനം ചെയ്ത തൂവാനത്തുമ്പികളിലൂടെ മലയാളത്തില് ശ്രദ്ധേയായ താരമാണ് സുമലത.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക