November 21, 2019
November 21, 2019
ദോഹ : ഖത്തറിൽ വരും ദിവസങ്ങളിൽ തണുപ്പ് ശക്തമാകുമെന്ന് കാലാവസ്ഥാ കേന്ദ്രം. വാരാന്ത്യത്തിൽ ശക്തമായ വടക്കുപടിഞ്ഞാറൻ കാറ്റിനും സാധ്യതയുണ്ട്. പുലർവേളകളിൽ താപനില 15 ഡിഗ്രി സെൽഷ്യസ് വരെ കുറയും. ഈ ദിവസങ്ങളിൽ പകൽസമയത്തെ പരമാവധി താപനില 20 ഡിഗ്രിക്കും 25 ഡിഗ്രിക്കും ഇടയിലായിരിക്കുമെന്നും കാലാവസ്ഥാ കേന്ദ്രം ട്വീറ്റ് ചെയ്തു.
വ്യാഴം, വെള്ളി ദിവസങ്ങളിൽ രാത്രി കാലങ്ങളിൽ തണുപ്പ് കൂട്ടുമെന്നും ശക്തമായ കാറ്റിന് സാധ്യതയുള്ളതിനാൽ കടലിൽ തിരമാലകൾ ഉയരുമെന്നും അറിയിപ്പിൽ വ്യക്തമാക്കി.