February 15, 2021
February 15, 2021
ദോഹ: തിങ്കളാഴ്ച രാത്രി ഒമ്പത് മണിക്ക് പൊതുജനാരോഗ്യ മന്ത്രാലയം വാര്ത്താ സമ്മേളനം നടത്തുമെന്ന തരത്തില് പ്രചരിക്കുന്ന സോഷ്യല് മീഡിയ പോസ്റ്റ് തെറ്റാണെന്ന് പൊതുജനാരോഗ്യ മന്ത്രാലയം വ്യക്തമാക്കി. ട്വിറ്ററിലൂടെയാണ് മന്ത്രാലയം ഇക്കാര്യം അറിയിച്ചത്.
ഖത്തറിലെ കൊവിഡ്-19 രോഗവ്യാപനത്തെ സംബന്ധിച്ച ഏറ്റവും പുതിയ സംഭവവികാസങ്ങള് വിശദീകരിക്കാനായി പൊതുജനാരോഗ്യ മന്ത്രാലയം ഇന്ന് രാത്രി ഒമ്പത് മണിക്ക് വാര്ത്താ സമ്മേളനം നടത്തുമെന്ന് അറബി ഭാഷയില് എഴുതിയ ചിത്രമാണ് സോഷ്യല് മീഡിയയില് പ്രചരിക്കുന്നത്. ഇതില് പൊതുജനാരോഗ്യ മന്ത്രാലയത്തിന്റെ ചിഹ്നവും ഇതില് ചേര്ത്തിട്ടുണ്ട്.
ഇത് തെറ്റാണെന്ന് പറഞ്ഞ പൊതുജനാരോഗ്യ മന്ത്രാലയം ഔദ്യോഗിക സ്രോതസ്സുകളില് നിന്നുള്ള വാര്ത്തകളും വിവരങ്ങളും മാത്രമേ സ്വീകരിക്കാന് പാടുള്ളൂവെന്ന് ജനങ്ങളോട് അഭ്യര്ത്ഥിച്ചു. കൊവിഡിനെ സംബന്ധിച്ച വിവരങ്ങള് അറിയിക്കാനായി മന്ത്രാലയം വാര്ത്താ സമ്മേളനങ്ങള് നടത്താറുണ്ട്. മന്ത്രാലയത്തിന്റെ ഔദ്യോഗിക സോഷ്യല് മീഡിയ ഹാന്ഡിലുകളിലൂടെ പ്രഖ്യാപിച്ച സേഷമാണ് ഇത്തരം വാര്ത്താ സമ്മേളനങ്ങള് നടത്താരെന്നും മന്ത്രാലയം വ്യക്തമാക്കി.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.