December 08, 2020
December 08, 2020
ദോഹ: അല്ഖൂദ് ഫോര്ട്ട് ഇന്റര്സെക്ഷനും അലി ബിന് അബ്ദുള്ള ഇന്റര്സെക്ഷനും ഇടയിലുള്ള അലി ബിന് അബ്ദുള്ള സ്ട്രീറ്റ് ഭാഗികമായി അടയ്ക്കുമെന്ന് ഖത്തര് പൊതുമരാമത്ത് അതോറിറ്റിയായ അശ്ഗാൽ അറിയിച്ചു. രണ്ട് ഇന്റര്സെക്ഷനുകള്ക്കും ഇടയിലുള്ള 250 മീറ്റര് ദൂരത്തിലെ ഒറ്റവരി പാതയാണ് അടയ്ക്കുക. രണ്ടാമത്തെ ലൈന് ഇരുദിശകളിലേക്കുമുള്ള ഗതാഗതത്തിനായി തുറന്നിരിക്കുമെന്നും അശ്ഗാൽ അറിയിച്ചു.
ജനറല് ഡയറക്ടര് ഓഫ് ട്രാഫിക്കുമായി സഹകരിച്ച് ഡിസംബര് 13 ഞായറാഴ്ച മുതലാണ് സ്ട്രീറ്റ് അടച്ചിടുക. ദോഹ സെന്ട്രല് ഡെവലപ്പ്മെന്റ് ആന്ഡ് ബ്യൂട്ടിഫിക്കേഷന് പ്രൊജക്ട്-പാക്കേജ് മൂന്നിന്റെ ഭാഗമായുള്ള അലി ബിന് അബ്ദുള്ള സ്ട്രീറ്റിന്റെ വിപുലീകരണത്തിനും നവീകരണത്തിനുമായാണ് റോഡ് ഭാഗികമായി അടയ്ക്കുന്നത്.
വാഹനം ഓടിക്കുന്നവര്ക്കായി സൂചനാ ബോര്ഡുകള് സ്ഥാപിക്കുമെന്ന് അശ്ഗാൽ അറിയിച്ചു. വേഗതാ പരിധിയും റോഡ് സുരക്ഷാ നിയമങ്ങളും പാലിക്കണമെന്നും അശ്ഗാൽ അഭ്യര്ത്ഥിച്ചു.
ന്യൂസ്റൂം വാർത്തകൾ വാട്ട്സ്ആപ്പിൽ മുടങ്ങാതെ ലഭിക്കാൻ +974 66200 167 എന്ന നമ്പറിൽ സന്ദേശം അയക്കുക: Click Here to Send Message
ന്യൂസ്റൂം വാർത്തകൾ ടെലിഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക.