November 12, 2020
November 12, 2020
ഹേഗ് : ഡച്ച് നഗരമായ ഹേഗിലെ സൗദി എംബസിക്ക് നേരെ ആക്രമണം.എംബസിക്ക് നേരെ നിരവധി തവണ വെടിവെപ്പുണ്ടായതായും സംഭവ സ്ഥലത്തു നിന്ന് ഇരുപതോളം വെടിയുണ്ടകൾ കണ്ടെടുത്തതായും ഡച്ച് മാധ്യമങ്ങൾ റിപ്പോർട്ട് ചെയ്തു.വ്യാഴാഴ്ച്ച പ്രാദേശിക സമയം രാവിലെ 6 മണിക്ക് (0500 ജിഎംടി) ഹേഗിലെ ഒരു കെട്ടിടത്തിന് നേരെ വെടിയുതിർത്തതായി സന്ദേശം ലഭിച്ചതായും ആർക്കും പരിക്കേറ്റിട്ടില്ലെന്നും പോലീസ് ട്വിറ്ററിൽ അറിയിച്ചു.എംബസി അടച്ചുപൂട്ടി സീൽ ചെയ്തിട്ടുണ്ടെന്നും ഫോറൻസിക് വിഭാഗം പരിശോധന നടത്തിവരികയാണെന്നും പോലീസ് വ്യക്തമാക്കി.
ജിദ്ദയിൽ ഫ്രഞ്ചുകാരും മറ്റ് നയതന്ത്ര ഉദ്യോഗസ്ഥരും പങ്കെടുത്ത പരിപാടിക്ക് നേരെയുണ്ടായ ആക്രമണത്തിന് തൊട്ടുപിന്നാലെയാണ് ഹേഗിലെ സൗദി എംബസിക്ക് നേരെ ആക്രമണമുണ്ടായത്.ആക്രമണത്തിൽ രണ്ടു പേർക്ക് രണ്ട് പേർക്ക് പരിക്കേറ്റിരുന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.