June 18, 2020
June 18, 2020
ദോഹ : ഖത്തറിൽ നിന്നും കേരളത്തിലേക്കുള്ള പ്രവാസി സംഘടനയുടെ രണ്ടാമത്തെ ചാർട്ടേഡ് വിമാനം ഇന്ന് കണ്ണൂരിലേക്ക് യാത്ര തിരിച്ചു. കൂത്തുപറമ്പ് - കുറ്റ്യാടി കെ.എം.സി.സി മണ്ഡലങ്ങൾ ഐസിബിഎഫുമായി സഹകരിച്ചാണ് യാത്രാ സൗകര്യം ഒരുക്കിയത്. രാവിലെ 11.20 ഓടെയാണ് ഇൻഡിഗോ എയർലൈൻസ് വിമാനം ദോഹയിൽ നിന്നും പുറപ്പെട്ടത്.ഗുരുതരാവസ്ഥയിലുള്ള രണ്ടു അർബുദ രോഗികളും മകൾ മരിച്ചതിനെ തുടർന്ന് നാട്ടിലെത്തേണ്ട ഒരാളും ഉൾപ്പെടെ 170 ഓളം യാത്രക്കാരാണ് വിമാനത്തിലുണ്ടായിരുന്നത്.നേരത്തെ ഖത്തർ ഇൻകാസിന്റെ ഒരു ചാർട്ടേഡ് വിമാനം ദോഹയിൽ നിന്ന് കേരളത്തിലേക്ക് സർവീസ് നടത്തിയിരുന്നു.
വന്ദേ ഭാരത് മിഷനിൽ രണ്ടു വിമാനങ്ങൾ കൂടി ഇന്ന് കേരളത്തിലേക്ക് യാത്രതിരിക്കും. കൊച്ചിയിലേക്കുള്ള എയർ ഇന്ത്യ എക്സ്പ്രസ് വിമാനം അൽപം മുമ്പാണ് കൊച്ചിയിലേക്ക് പുറപ്പെട്ടത്. ഉച്ചക്ക് 1.50 ന് കോഴിക്കോട്ടേക്കാണ് രണ്ടാമത്തെ വിമാനം.വന്ദേ ഭാരത് മിഷന് പുറമെ നാളെയും മറ്റന്നാളുമായി അക്ബർ ട്രാവൽസിന്റെ രണ്ടു വിമാനങ്ങളും കേരളത്തിലേക്ക് സർവീസ് നടത്തുന്നുണ്ട്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
