July 17, 2020
July 17, 2020
റിയാദ്: സൗദിയില്‍ കഴിഞ്ഞ ഇരുപത്തി നാല് മണിക്കൂറിനുള്ളില്‍ രോഗമുക്തി നേടിയവരുടെ എണ്ണത്തില്‍ വന്‍ വർധന രേഖപ്പെടുത്തി. 2613 പേർക്ക് പുതുതായി രോഗം സ്ഥിരീകരിച്ചപ്പോൾ 3539 പേരാണ് കോവിഡിനെ അതിജീവിച്ചത്. ഇതോടെ ആകെ രോഗബാധിതരുടെ എണ്ണം 2,45,851 ആയി. ആകെ രോഗമുക്തരുടെ എണ്ണം ഇതോടെ 191,161 ആയി. ചികിത്സയിലിരിക്കെ 37 പേർ കൂടി മരിച്ചതോടെ ആകെ മരണസംഖ്യ 2407 ആയി. 2188 പേര് ഗുരുതരാവസ്ഥയില്‍ തീവ്രപരിചരണ വിഭാഗത്തിലാണ്.
ചെറുതും വലുതുമായ 201 പട്ടണങ്ങളാണ് രോഗത്തിന്‍റെ പിടിയിലായത്. ജൂലായ്‌ പതിനേഴ്‌ വരെ രാജ്യത്ത് ഇതുവരെ ആകെ 25,51,134 സ്രവ സാമ്പിളുകൾ പരിശോധിച്ചിട്ടുണ്ട്.
പുതിയ രോഗികള്‍ കൂടുതല്‍ ജിദ്ദയിലാണ്- 235. ഹഫൂഫ് 191,റിയാദ് 185, അല്‍ മൊബ്രാസ് 147, ദമ്മാം 127, തൈഫ് 124, മക്ക 83, മദീന 90.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
