May 11, 2020
May 11, 2020
റിയാദ് : സൗദിയിൽ പെട്രോൾ വില നേരത്തെ ഉണ്ടായിരുന്നതിൽ നിന്നും പകുതിയായി കുറച്ചു.പുതുക്കിയ നിരക്കനുസരിച്ച് നിലവിലുള്ളതിനേക്കാൾ 50 ശതമാനം കുറവാണ് വരുത്തിയത്. പുതിയ നിരക്കനുസരിച്ച് 91 ഇനം പെട്രോള്‍ ലിറ്ററിന് 0.67 റിയാലും 95 ഇനത്തിന് ലിറ്ററിന് 0.82 റിയാലുമാണ് ഈടാക്കുക.. ഇന്നു മുതല്‍ അടുത്തമാസം 10 വരെ ഈ നിരക്ക് തുടരും.
ഇതുവരെ 91 ഇനം പെട്രോള്‍ ലിറ്ററിന് 1.31 റിയാലും 95ന് ലിറ്ററിന് 1.47 റിയാലുമായിരുന്നു നിരക്ക്. പെട്രോള്‍ സ്റ്റേഷന്‍ ഉടമകള്‍ക്കും ഉപഭോക്താക്കള്‍ക്കും പ്രതിമാസം പുതുക്കുന്ന വിലകള്‍ സൗദി അരാംകോ വെബ്സൈറ്റില്‍ ലഭിക്കും. ആഗോളവിപണിയിലേക്കുള്ള അസംസ്‌കൃത എണ്ണയുടെ കയറ്റുമതി വിലയിലെ വ്യതിയാനത്തിനനുസരിച്ച്‌ പെട്രോളിന്റെ വില മാറ്റത്തിന് വിധേയമാണെന്ന് സൗദി ആരാംകോ കമ്പനി അറിയിച്ചു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
