December 06, 2019
December 06, 2019
റിയാദ് : സൗദി അറേബ്യയിലെ ആരോഗ്യമന്ത്രാലയത്തിനു കീഴിലുള്ള ആശുപത്രികളിലേക്ക് വനിത നഴ്സുമാരെ നോര്‍ക്ക റൂട്ട്സ് മുഖേന തെരഞ്ഞെടുക്കുന്നു . എം.എസ് .സി, ബി.എസ്.സി,പിഎച്ച്‌.ഡി യോഗ്യതയുള്ള വനിതാ നഴ്സുമാരാണ് ഇതിനായി അപേക്ഷിക്കേണ്ടത് . കാര്‍ഡിയാക് ക്രിട്ടിക്കല്‍ കെയര്‍ യൂണിറ്റ്, ക്രിട്ടിക്കല്‍ കെയര്‍ യൂണിറ്റ് (മുതിര്‍ന്നവര്‍, കുട്ടികള്‍, നിയോനാറ്റല്‍), കാര്‍ഡിയാക് സര്‍ജറി, എമര്‍ജന്‍സി, ഓങ്കോളജി എന്നീ വിഭാഗങ്ങളിലാണ് ഒഴിവുള്ളത് .
ഈ മാസം ( ഡിസംബര്‍) 23 മുതല്‍ 27 വരെ കൊച്ചിയിലും, ബംഗളൂരുവിലും അഭിമുഖം നടക്കും.45 വയസില്‍ താഴെയുള്ള മിനിമം രണ്ട് വര്‍ഷമെങ്കിലും പ്രവർത്തിപരിചയം ഉള്ളവര്‍ക്ക് അപേക്ഷിക്കാം .4110 റിയാലാണ് അടിസ്ഥാന ശമ്ബളം .
താല്പര്യമുള്ളവര്‍ www.norkaroots.org യില്‍ അപേക്ഷ സമര്‍പ്പിക്കണമെന്ന് ചീഫ് എക്സിക്യൂട്ടീവ് ഓഫീസര്‍ അറിയിച്ചു. അപേക്ഷ സമര്‍പ്പിക്കേണ്ട അവസാന തീയതി ഡിസംബര്‍ 19. കൂടുതല്‍ വിവരങ്ങള്‍ ടോള്‍ ഫ്രീ നമ്ബരായ 18004253939 (ഇന്ത്യയില്‍ നിന്നും) 00918802012345 (വിദേശത്തു നിന്നും മിസ്ഡ് കോള്‍ സേവനം) എന്ന നമ്ബറില്‍ ലഭിക്കും.
