Breaking News
ഖത്തറിൽ ഡിസംബറിലെ പെട്രോൾ വിലയിൽ മാറ്റമില്ല,ഡീസൽ വില അഞ്ച് ദിർഹം വർധിക്കും  | സമാധാനം സ്ഥിരത, സമൃദ്ധി എന്നീ മൂല്യങ്ങള്‍ അടിസ്ഥാനമാക്കിയുള്ളതാണ് ഖത്തറിന്റെ വിദേശനയമെന്ന് ജര്‍മ്മനിയിലെ ഖത്തര്‍ അംബാസഡര്‍ ഷെയ്ഖ് അബ്ദുള്ള | ആണവശാസ്ത്രഞ്ജന്റെ വധം,ഇറാൻ ഭരണകൂടം മൃദു സമീപനം പുലർത്തുന്നതായി കൺസർവേറ്റിവ്  | ഖത്തർ ഫുട്‍ബോളിന് ഊർജം പകരാൻ കമ്യുണിറ്റി ഫുടബോൾ ലീഗ്  | ഇറാഖിലെ എണ്ണ ശുദ്ധീകരണശാലയ്ക്ക് നേരെ ഐ.എസിന്റെ റോക്കറ്റ് ആക്രമണം; റിഫൈനറിക്ക് തീ പിടിച്ചു | സേവനങ്ങൾ കാര്യക്ഷമമാക്കാൻ ഖത്തറിലെ ഇന്ത്യൻ എംബസി മൊബൈൽ ആപ് പുറത്തിറക്കുന്നു  | ഇറാനുമായുള്ള സംഘര്‍ഷം തുടരുന്നതിനിടെ വൈറ്റ്ഹൗസ് ഉദ്യോഗസ്ഥന്‍ കുഷ്‌നര്‍ സൗദിയും ഖത്തറും സന്ദര്‍ശിക്കുന്നതായി റിപ്പോര്‍ട്ട് | കോവിഡ് മാനദണ്ഡങ്ങൾ പാലിച്ചില്ല,ദോഹയിൽ സുഗന്ധ ദ്രവ്യങ്ങളുടെ  പ്രദർശനം രണ്ടു ദിവസത്തേക്ക് റദ്ദാക്കി  | യു.എ.ഇ ദേശീയ ദിനം,അബുദാബിയിൽ സൗജന്യ പാർക്കിങ്  | ഖത്തറിലെ ഇന്ത്യൻ എംബസി അപ്പെക്സ് ബോഡികളിലേക്ക് തെരഞ്ഞെടുപ്പ്,വിജ്ഞാപനം പുറത്തിറങ്ങി  |
ഇറാനുമായി വീണ്ടും ആണവ കരാറില്‍ ഏര്‍പ്പെടരുതെന്ന് ജോ ബെയ്ഡനോട് സൗദി രാജകുമാരന്‍

November 18, 2020

November 18, 2020

റിയാദ് : പുതുതായി തെരഞ്ഞെടുക്കപ്പെട്ട അമേരിക്കന്‍ പ്രസിഡന്റ് ജോ ബെയ്ഡന്റെ നയങ്ങള്‍ക്കെതിരെ സൗദി രാജകുമാരന്‍ തുര്‍ക്കി അല്‍-ഫൈസല്‍. ജനുവരിയില്‍ ചുമതലയേല്‍ക്കുന്ന ബെയ്ഡന്‍ ഭരണകൂടം ഇറാനുമായി വീണ്ടും ആണവകരാറില്‍ ഏര്‍പ്പെടാനുള്ള തീരുമാനത്തില്‍ നിന്ന് പിന്മാറണമെന്ന് അദ്ദേഹം ബെയ്ഡനോട് ആവശ്യപ്പെട്ടു. വാഷിങ്ടണ്‍ ആസ്ഥാനമായുള്ള നാഷണല്‍ കൗണ്‍സില്‍ ഓണ്‍ യു.എസ്-അറബ് റിലേഷന്‍സിനെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.

ജോയിന്റ് കോംപ്രിഹന്‍സീവ് പ്ലാന്‍ ഓഫ് ആക്ഷനിലേക്കുള്ള (ജെ.സി.പി.ഒ.എ) അമേരിക്കയുടെ മടങ്ങിവരവ് അറബ് മേഖലയുടെ സുസ്ഥിരതയെ ദോഷകരമായി ബാധിക്കുമെന്ന് അദ്ദേഹം മുന്നറിയിപ്പ് നല്‍കി. 2018 മെയ് മാസത്തിലായിരുന്നു പ്രസിഡന്റ് ട്രംപ് ഇറാനുമായുള്ള ആണവ കരാറില്‍ നിന്ന് പിന്മാറിയത്.

ഇറാന്‍ പൂര്‍ണ്ണമായും വഴങ്ങുകയും വലിയ പ്രശ്‌നങ്ങളെ കുറിച്ച് ചര്‍ച്ചകള്‍ ആരംഭിക്കുകയുമാണെങ്കില്‍ ആണവ കരാറിലേക്ക് അമേരിക്ക തിരികെയെത്തുമെന്ന് ബെയ്ഡന്‍ തെരഞ്ഞെടുപ്പു വേളയില്‍ പറഞ്ഞിരുന്നു. എന്നാല്‍ ആണവ കരാര്‍ നടപ്പാക്കുന്നതിനു മുമ്പ് സമഗ്രമായ ചര്‍ച്ചകള്‍ നടക്കണമെന്ന് തുര്‍ക്കി അല്‍-ഫൈസല്‍ ആവശ്യപ്പെട്ടു.

'അന്താരാഷ്ട്ര സമൂഹത്തിലെ ഒരു സാധാരണ സമാധാന രാഷ്ട്രമായി ഇറാനെ തിരികെ കൊണ്ടുവരാന്‍ നമ്മളെല്ലാവരും ആഗ്രഹിക്കുന്നുണ്ടെങ്കിലും ഇറാനുമായുള്ള കഴിഞ്ഞ 40 വര്‍ഷത്തെ അനുഭവം അതിനെ പ്രോത്സാഹിപ്പിക്കുന്ന തരത്തിലുള്ളതല്ല. അതിനാല്‍ തന്നെ അമേരിക്ക ആണവകരാറില്‍ വീണ്ടും ചേരുന്നത് ഞങ്ങളുടെ മേഖലയെ സുസ്ഥിരമാക്കാന്‍ സഹായിക്കില്ല.' -തുര്‍ക്കി അല്‍-ഫൈസല്‍ രാജകുമാരന്‍ പറഞ്ഞു.

യു.എസിലെയും യു.കെയിലെയും സൗദി അംബാസിഡറായിരുന്നു പരേതനായ ഫൈസല്‍ രാജാവിന്റെ മകനായ തുര്‍ക്കി അല്‍-ഫൈസല്‍ രാജകുമാരന്‍. ഭാവിയിലെ ചര്‍ച്ചകളില്‍ സൗദിയും മറ്റ് ഗള്‍ഫ് രാജ്യങ്ങളും പങ്കാളികളാവണമെന്നും അദ്ദേഹം പറഞ്ഞു.

ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.


ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

Latest Related News