September 20, 2019
September 20, 2019
സന്ആ: സൗദി അരാംകോ ആക്രമണത്തിനു തിരിച്ചടിക്ക് തുടക്കമിട്ട് സൗദി സഖ്യസേന. വടക്കന് യമനിലെ ഹുദൈദയിലുള്ള ഹൂതി കേന്ദ്രങ്ങളിലാണ് ഇന്ന് സഖ്യസേന കനത്ത വ്യോമാക്രമണം നടത്തിയത്.
തുറമുഖ നഗരമായ ഹുദൈദയിലുള്ള നാല് ഹൂതി താവളങ്ങള് തകര്ത്തതായി സഖ്യസേന അവകാശപ്പെട്ടു. സ്ഫോടക വസ്തുക്കൾ നിറച്ച ഹൂതികളുടെ രണ്ട് റിമോട്ട് നിയന്ത്രിത ബോട്ടുകൾ പിടികൂടി തകർത്തതായി സഖ്യസേനാ വക്താവ് കേണൽ തുർക്കി അൽ മൽക്കി അവകാശപ്പെട്ടു.
ദക്ഷിണ ചെങ്കടലും ബാബുല് മന്ദബും അടങ്ങുന്ന പ്രമുഖ നാവികപാതകള് ഉള്പ്പെടുന്ന സമുദ്രസുരക്ഷയ്ക്ക് ഭീഷണിയുയര്ത്തുന്നമേഖലയിലാണ് സ്ഫോടക വസ്തുക്കൾ ശേഖരിച്ച ബോട്ടുകൾ തകർത്തത്. ദക്ഷിണ ചെങ്കടലില് ഭീകരപ്രവര്ത്തനങ്ങള്ക്കായി ഹൂതികള് ഉപയോഗിക്കാന് ലക്ഷ്യമിട്ടിരുന്ന ബോട്ടാണിതെന്നാണു സൗദിയുടെ വിശദീകരണം.