August 24, 2019
August 24, 2019
കൊച്ചി: പ്രളയക്കെടുതി നേരിട്ട സംസ്ഥാനത്തിന് ഗൾഫിൽ നിന്നും സഹായങ്ങൾ ഒഴുകുന്നതിനിടെ പ്രളയത്തിന്റെ പേരിൽ തട്ടിപ്പ് നടത്തിയ പ്രവാസി മലയാളി കൊച്ചിയിൽ അറസ്റ്റിലായി. സൗദിയിൽ നിന്നും പ്രളയദുരിതാശ്വാസത്തിന്റെ പേരില്‍ പണം പിരിച്ച് സ്വർണം കടത്തിയ വണ്ടൂർ സ്വദേശിയെ ഇന്ന് രാവിലെയാണ് നെടുമ്ബാശേരി വിമാനത്താവളത്തിൽ അറസ്റ്റു ചെയ്തത്. ഒരു കിലോ സ്വര്‍ണമാണ് ഇയാളിൽ നിന്ന് അധികൃതർ പിടികൂടിയത്.ഇന്ന് പുലര്‍ച്ചെയാണ് ജിദ്ദിയില്‍ നിന്നുള്ള വിമാനത്തില്‍ ഇയാള്‍ നെടുമ്പാശേരിയിൽ എത്തിയത്.
മലപ്പുറത്തേക്ക് പ്രളയദുരിതാശ്വാസ പ്രവര്‍ത്തനങ്ങള്‍ക്കെന്ന പേരില്‍ സൗദിയിൽ നിന്നും ഇയാള്‍ 25 ലക്ഷത്തോളം രൂപ പിരിച്ചിരുന്നു. ഈ പണം ഉപയോഗിച്ചു സ്വര്‍ണം വാങ്ങി നാട്ടിലേക്ക് ഒളിപ്പിച്ചു കടത്തുകയായിരുന്നു. .കസ്റ്റംസ് ഉദ്യോഗസ്ഥര്‍ ഇയാളെ ചോദ്യം ചെയ്ത് വരികയാണ്.
