November 25, 2019
November 25, 2019
ദോഹ : നാളെ നടക്കാനിരിക്കുന്ന അറേബ്യൻ ഗൾഫ് കപ്പ് ടൂർണമെന്റിൽ പങ്കെടുക്കുന്നതിനുള്ള യു.എ.ഇ ടീമും ദോഹയിൽ എത്തി. ദോഹ രാജ്യാന്തര വിമാനത്താവളത്തിലെത്തിയ 24 അംഗ സംഘത്തെ സംഘാടക സമിതി സ്വീകരിച്ചു. വിശ്രമത്തിനു ശേഷം ടീം അംഗങ്ങൾ ഇന്ന് പരിശീലനത്തിന് ഇറങ്ങും. സൗദി ടീം ഇന്ന് രാവിലെയോടെ ദോഹയിൽ എത്തിയിരുന്നു.
ഖത്തർ,ഇറാഖ്,യമൻ എന്നീ ടീമുകൾ ഉൾപെട്ട ഗ്രൂപ്പ് എ യിലാണ് യു.എ.ഇ കളിക്കുക. നാളെ യമനുമായാണ് യു.എ.ഇ യുടെ ആദ്യ മത്സരം. ഡിസംബർ രണ്ടിന് ഖത്തറും യു.എ.ഇ യും ഏറ്റുമുട്ടും.നവംബർ 26 മുതൽ ഡിസംബർ 8 വരെയാണ് ടൂർണമെന്റ് നടക്കുന്നത്.
തുടക്കത്തിൽ ടൂർണമെന്റിൽ നിന്ന് വിട്ടുനിൽക്കാൻ തീരുമാനിച്ച സൗദിയും യു.എ.ഇ യും അവസാന നിമിഷമാണ് മത്സരത്തിൽ പങ്കെടുക്കാൻ സമ്മതം അറിയിച്ചത്. ഇതോടെ ടൂര്ണമെന്റിന്റെ വേദിയും ഷെഡ്യുളും മാറ്റി നിശ്ചയിക്കുകയായിരുന്നു.