April 03, 2020
April 03, 2020
റിയാദ് : സൗദി അറേബ്യയുടെ കിഴക്കൻ പ്രവിശ്യയിൽ ഉൾപെടുന്ന ദമാം,ഖതീഫ്,ഗവർണറേറ്റുകളിലും മക്ക പ്രവിശ്യയിലെ തായിഫിലും കർഫ്യു സമയം നീട്ടി.
ഇന്നു വൈകീട്ട് മൂന്ന് മണി രാവിലെ ആറ് മണി വരെയായിരിക്കും കർഫ്യു സമയം.ഈ സമയം മുതല്‍ ആരും പുറത്തിറങ്ങാന്‍ പാടില്ലെന്നാണ് നിർദേശം.നേരത്തെ നിബന്ധനകളോടെ കര്‍ഫ്യൂവില്‍ നല്‍കിയ ഇളവുകള്‍ തുടരും. ജനങ്ങള്‍ നിര്‍ദേശം പാലിക്കണമെന്നും ലംഘിച്ചാല്‍ പിഴയും ശിക്ഷയും ലഭിക്കുമെന്നും ആഭ്യന്തര മന്ത്രാലയം അറിയിച്ചു. കര്‍ഫ്യൂ രാജ്യത്ത് തുടരുന്ന ദിവസങ്ങളത്രയും ഈ നിയമം ബാധകമാണ്.
നിലവില്‍ റിയാദ്, ജിദ്ദ, മക്ക, മദീന ഗവര്‍ണറേറ്റുകളിലാണ് മൂന്ന് മണി കര്‍ഫ്യൂ ബാധകം. ഇതില്‍ മക്കയിലും മദീനയിലും ഇന്നലെ മുതല്‍ 24 മണിക്കൂര്‍ കര്‍ഫ്യൂ പ്രഖ്യാപിച്ചിരുന്നു. ബാക്കിയുള്ള നഗരങ്ങളിലും പ്രവിശ്യകളിലും നേരത്തെയുള്ളതു പോലെ വൈകീട്ട് ഏഴ് മണി മുതല്‍ രാവിലെ ആറ് വരെയാണ് കര്‍ഫ്യൂ. ഈ സമയം ഓരോ മേഖലയിലേയും സ്ഥിതിക്കനുസരിച്ചാണ് മന്ത്രാലയം സമയക്രമത്തിൽ മാറ്റങ്ങൾ വരുത്തുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
