April 29, 2020
April 29, 2020
റിയാദ് : ഗൾഫിൽ കോവിഡ് വ്യാപനത്തിന്റെ പശ്ചാത്തലത്തിൽ നാട്ടിലേക്ക് മടങ്ങാൻ ആഗ്രഹിക്കുന്നവരുടെ വിവരങ്ങൾ ശേഖരിക്കാൻ ഖത്തറിന് പിന്നാലെ സൗദിയിലെ ഇന്ത്യൻ എംബസിയും ശ്രമം തുടങ്ങി.പ്രവാസികളെ തിരിച്ചെത്തിക്കാൻ കേന്ദ്രസർക്കാർ നടപടികൾ ഊർജിതമാക്കിയിട്ടുണ്ടെങ്കിലും ഇത് എപ്പോൾ പ്രവർത്തികമാകുമെന്ന കാര്യത്തിൽ അനിശ്ചിതത്വം തുടരുകയാണ്.അതേസമയം,ഡൽഹി കേന്ദ്രമാക്കി ഇക്കാര്യത്തിൽ ചർച്ചകൾ സജീവമാകുമ്പോഴും ഗൾഫിലെ മിക്ക ഇന്ത്യൻ എംബസികളും മെല്ലെപ്പോക്ക് നയം തുടരുകയാണെന്ന ആക്ഷേപം നിലനിൽക്കെ സൗദിയിലെ ഇന്ത്യൻ എംബസിയും നാട്ടിലേക്ക് മടങ്ങാൻ ആഗ്രഹിക്കുന്ന ഇന്ത്യക്കാരുടെ വിവരങ്ങൾ ശേഖരിക്കാൻ സംവിധാനം ഒരുക്കി.ഇതിനായി https://docs.google.com/forms/d/e/1FAIpQLSc_yyVAYPD-VYH98RNOWZkDkGKVsf34qnu0oGoLdtts3RG7_Q/viewformഎന്ന ലിങ്ക് വഴിയാണ് അപേക്ഷിക്കേണ്ടത്.
പോകാനാഗ്രഹിക്കുന്നവരുടെ വിവരങ്ങളും പട്ടികയും തയ്യാറാക്കുകയാണ് ലക്ഷ്യം. അടുത്തയാഴ്ചയോടെ വിമാന സര്‍വീസുകള്‍ ആരംഭിക്കുമെന്നാണ് സൂചന. നേരത്തെ സൌദി കമ്പനികളില്‍ നിന്നും രജിസ്റ്റര്‍ ചെയ്തവര്‍‌ക്കുള്ള സൌദിയ വിമാനങ്ങളും അടുത്തയാഴ്ച ആരംഭിക്കുമെന്നാണ് റിപ്പോര്‍ട്ട്.
നാട്ടിലേക്ക് തിരിച്ചു പോകാൻ ആഗ്രഹിക്കുന്നവരുടെ വിവരങ്ങൾ ശേഖരിക്കാൻ ഖത്തറിലെ ഇന്ത്യൻ എംബസി നേരത്തെ ശ്രമങ്ങൾ തുടങ്ങിയിരുന്നു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
