April 08, 2020
April 08, 2020
സാമ്പത്തിക കേസുകളിൽ സൗദിയിലെ ജയിലുകളിൽ കഴിയുന്ന മലയാളികൾ ഉൾപെടെയുള്ള നിരവധി തടവുകാർക്ക് ഇത് ആശ്വാസമാകും.
റിയാദ് : വിവിധ സാമ്പത്തിക കേസുകളിൽ പെട്ട് സൗദിയിലെ ജയിലിൽ കഴിയുന്ന തടവുകാരെ താൽകാലികമായി മോചിപ്പിക്കാൻ സൽമാൻ രാജാവ് ഉത്തരവിട്ടു. സ്വകാര്യ അവകാശ കേസുകളിൽ സാമ്പത്തിക ബാധ്യതയുള്ളവരെ തടവിലാക്കുന്നതുമായി ബന്ധപ്പെട്ട ജുഡീഷ്യൽ ഉത്തരവുകൾ താൽക്കാലികമായി നിർത്തിവെക്കാനും, തടവിലാക്കപ്പെട്ടവർക്ക് ഉടൻ തന്നെ താൽക്കാലിക മോചനം നൽകാനുമാണ് ഉത്തരവെന്ന് സൗദി പ്രസ് ഏജൻസി റിപ്പോർട്ട് ചെയ്തു..
ഇത്തരം കേസുകളിൽ കോടതി വിധികൾ നടപ്പാക്കരുതെന്നും അവരെ എത്രയും പെട്ടെന്ന് ജയിലുകളിൽ നിന്ന് മോചിപ്പിക്കണമെന്നും സൽമാൻ രാജാവ് നിർദേശിച്ചതായി നീതിന്യായ മന്ത്രി ഡോ.വലീദ് ബിൻ മുഹമ്മദ് അൽസംആനി അറിയിച്ചു. കോവിഡ് വ്യാപനത്തിന്റെ പശ്ചാത്തലത്തിലാണ് തീരുമാനം.
സാമ്പത്തിക കേസുകളിൽ സൗദിയിലെ ജയിലുകളിൽ കഴിയുന്ന മലയാളികൾ ഉൾപെടെയുള്ള നിരവധി തടവുകാർക്ക് ഇത് ആശ്വാസമാകും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
