Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
സൗദിയിൽ കുറ്റവാളികൾക്കുള്ള ചാട്ടവാറടി നിർത്തലാക്കാൻ നീക്കം തുടങ്ങിയതായി റോയിട്ടേഴ്‌സ് റിപ്പോർട്ട് 

April 25, 2020

April 25, 2020

റിയാദ് : കുറ്റവാളികൾക്ക് ചാട്ടവാറടിയിലൂടെ ശിക്ഷ നൽകുന്ന രീതിക്ക് മാറ്റംവരുത്താനൊരുങ്ങി സൗദി അറേബ്യ. രാജ്യത്തെ പ്രധാന കോടതിയിൽ നിന്നുള്ള  രേഖകളെ ഉദ്ധരിച്ച്, അന്താരാഷ്ട്ര വാർത്ത ഏജൻസിയായ റോയിട്ടേഴ്‌സ് ആണ് ഈ വാർത്ത വെള്ളിയാഴ്ച പുറത്തുവിട്ടത്. സുപ്രീംകോടതിയുടെ തീരുമാനപ്രകാരം, ഇനി ചാട്ടവാറടിക്ക് പകരം പിഴയോ, തടവ് ശിക്ഷയോ നൽകും. മനുഷ്യാവകാശങ്ങൾക്ക് ഊന്നൽ നൽകിക്കൊണ്ടുള്ള പരിഷ്കരണ നടപടികളുടെ ഭാഗമായാണ് ഈ തീരുമാനമെടുക്കുന്നതെന്നും  രേഖകളിൽ പറയുന്നു. സൽമാൻ രാജാവിന്റെ ഈ നിർദേശത്തിന് കിരീടാവകാശി മുഹമ്മദ്‌ ബിൻ സൽമാന്റെ പൂർണ പിന്തുണയുണ്ടെന്നും റോയിട്ടേഴ്‌സ് റിപ്പോർട്ടിൽ പറയുന്നു.എന്നാൽ സൗദി അറേബ്യ ഇതുവരെ വാർത്തയോട് ഔദ്യോഗകമായി പ്രതികരിച്ചിട്ടില്ല.

ശിക്ഷാനടപടികൾക്ക്  ഏകീകൃതരൂപമില്ലാത്ത സൗദിയിൽ ഇപ്പോഴും ശരീഅ നിയമത്തിന്റെ പിൻബലത്തിൽ ഓരോ ജഡ്ജിമാരും ഓരോ ശിക്ഷ നൽകുന്നത് പതിവാണ്. പരിഷ്‌കൃത സമൂഹത്തിന് ഈ ശിക്ഷാരീതി ഫലപ്രദമല്ലെന്ന് ചൂണ്ടിക്കാണിച്ച് പലതവണ മനുഷ്യാവകാശ സംഘടനകൾ രംഗത്ത് വന്നിരുന്നു. ഈ പരിഷ്കരണത്തെ സ്വാഗതം ചെയ്യുന്നുവെന്നും സൗദിയിൽ അടുത്തിടെ ഉണ്ടായ അനവധി മാറ്റങ്ങളിൽ ഒന്നാണ് ഇതെന്നും മനുഷ്യാവകാശപ്രവർത്തകൻ അവാദ് അലവാദ് റോയിട്ടേഴ്സിനോട് പറഞ്ഞു.

അതേസമയം മോഷണത്തിന് കൈകൾ വെട്ടുക, കൊലപാതകത്തിനും തീവ്രവാദപ്രവർത്തനങ്ങൾക്കും തലവെട്ടുക തുടങ്ങിയ ശിക്ഷാരീതികൾ തുടരും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ  +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി  അയക്കുക.      


Latest Related News