March 22, 2021
March 22, 2021
ജിദ്ദ : യെമനിലെ യുദ്ധം അവസാനിപ്പിക്കുന്നതിനുള്ള പുതിയ സമാധാന പദ്ധതി സൗദി അറേബ്യ തിങ്കളാഴ്ച അവതരിപ്പിച്ചതായി വിദേശകാര്യ മന്ത്രി ഫൈസല് ബിന് ഫര്ഹാന് അല് സൗദ് രാജകുമാരന്. ഐക്യരാഷ്ട്രസഭയുടെ മേല്നോട്ടത്തില് രാജ്യവ്യാപകമായി വെടിനിര്ത്തല് ഉള്പ്പെടെയുള്ള നിര്ദ്ദേശങ്ങളാണ് പുതിയ സമാധാന പദ്ധതിയിൽ ഉള്പ്പെടുത്തിയതെന്നും അദ്ദേഹം പറഞ്ഞു.
സനാ വിമാനത്താവളം വീണ്ടും തുറക്കുക, ഹുദൈദ തുറമുഖം വഴി ഇന്ധനവും ഭക്ഷ്യവസ്തുക്കളും ഇറക്കുമതി ചെയ്യാന് അനുവദിക്കുക, സൗദി പിന്തുണയുള്ള യെമന് സര്ക്കാറും ഹൂതികളും തമ്മിലുള്ള രാഷ്ട്രീയ ചര്ച്ചകള് പുനരാരംഭിക്കുക എന്നീ നിര്ദ്ദേശങ്ങളും സൗദി അവതരിപ്പിച്ച സമാധാന പദ്ധതിയിൽ ഉള്പ്പെടുന്നുവെന്ന് സൗദി വിദേശകാര്യ മന്ത്രി പറഞ്ഞു.
ഹൂതികള് സമ്മതം മൂളിയാല് ഉടന് ഈ സമാധാന പദ്ധതി പ്രാബല്യത്തില് വരുമെന്നും ഫൈസല് ബിന് ഫര്ഹാന് അല് സൗദ് രാജകുമാരന് കൂട്ടിച്ചേര്ത്തു.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.