January 08, 2021
January 08, 2021
ഫോട്ടോ : അൽ അറേബിയ
ദോഹ : അബുസംറ അതിർത്തിയിൽ യാത്രക്കാർക്കുള്ള കോവിഡ് പരിശോധന നടത്തുന്നതിന് സൗദി അറബ്യ പ്രത്യേക ആരോഗ്യ കേന്ദ്രം തുറന്നു.ഖത്തറിൽ നിന്നും വരുന്ന യാത്രക്കാർക്കായി പ്രത്യേക ആരോഗ്യ മാർഗനിർദേശങ്ങളും പുറപ്പെടുവിച്ചിട്ടുണ്ട്.ഖത്തറുമായുള്ള എല്ലാ അതിർത്തികളും തുറക്കാൻ തീരുമാനിച്ച സാഹചര്യത്തിലാണ് നടപടി. ഖത്തറിലേക്കുള്ള കര,വ്യോമ,സമുദ്ര അതിർത്തികൾ ശനിയാഴ്ച തുറക്കുമെന്ന് യു.എ.ഇ അറിയിച്ചിരുന്നു.
പി.സി.ആർ പരിശോധന നടത്തി ഫലം നെഗറ്റിവ് ആയവരെ മാത്രമാണ് അതിർത്തി വഴി സൗദിയിലേക്ക് പ്രവേശിപ്പിക്കുക.ഒരാഴ്ചത്തേക്ക് വരുന്ന യാത്രക്കാർ സൗദിയിൽ എത്തിയാൽ മൂന്നു ദിവസത്തെ ഹോം കൊറന്റൈനും നിർബന്ധമാക്കിയിട്ടുണ്ട്.സൗദി ആസ്ഥാനമായ അൽ അറേബിയ ചാനലാണ് ഇക്കാര്യം റിപ്പോർട്ട് ചെയ്തത്.
ഖത്തറിൽ നിന്നും സൗദിയിലേക്ക് പ്രവേശിക്കുന്നവരെ പരിശോധിക്കുന്നതിന് സൗദി ആരോഗ്യമന്ത്രാലയം സൽവാ ബോർഡറിൽ പ്രത്യേക മെഡിക്കൽ സംഘത്തെ നിയോഗിക്കും.സൗദിയിലേക്ക് പ്രവേശിക്കുന്നവർ ആരോഗ്യമന്ത്രാലയത്തിന്റെ ഹോം കൊറന്റൈൻ നിബന്ധനകൾ പാലിക്കുന്നതിനുള്ള പ്രതിജ്ഞാ പത്രം ഒപ്പിട്ടു നൽകണം.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക