January 09, 2021
January 09, 2021
ദോഹ : 2017 ജൂൺ അഞ്ചിന് ശേഷം കഴിഞ്ഞ മൂന്നര വർഷമായി അടഞ്ഞു കിടക്കുന്ന ഖത്തർ,സൗദി അതിർത്തി വഴി വാഹനങ്ങൾ കടത്തിവിട്ടു തുടങ്ങി.ഇന്ന് രാവിലെ പ്രാദേശിക സമയം 11.20 ഓടെയാണ് എല്ലാ പരിശോധനകളും പൂർത്തിയാക്കി ആദ്യ വാഹനം അതിർത്തി വഴി കടത്തി വിട്ടത്.പി.സി.ആർ പരിശോധന നടത്തി കോവിഡ് ഇല്ലെന്ന് ഉറപ്പുവരുത്തിയ ശേഷമാണ് യാത്രക്കാരെ കടത്തിവിടുന്നത്.ഇതിനായി സൽവാ അതിർത്തിയിൽ സൗദി പ്രത്യേകം കോവിഡ് പരിശോധനാ കേന്ദ്രം ഒരുക്കിയിരുന്നു.
ജനുവരി നാലിന് അതിർത്തി തുറക്കുന്നതായി സൗദി പ്രഖ്യാപിച്ചത് മുതൽ നൂറുകണക്കിന് വാഹനങ്ങളാണ് അതിർത്തിയിൽ എത്തിയത്. എന്നാൽ നടപടിക്രമങ്ങൾ പൂർത്തിയാവാത്തതിനാൽ ഈ വാഹനങ്ങൾ പോലീസ് തിരിച്ചയക്കുകയായിരുന്നു.എന്നാൽ ശനിയാഴ്ച അതിർത്തി തുറക്കുമെന്ന പ്രഖ്യാപനം വന്നതോടെ ഇന്നലെ രാത്രിയോടെ തന്നെ നിരവധി വാഹനങ്ങൾ അതിർത്തിയിലെത്തി കാത്തു കിടക്കുകയായിരുന്നു.
ഖത്തർ സ്വദേശിയുടെ ലാൻഡ്ക്രൂയിസർ വാഹനവും ആദ്യമായി നടപടിക്രമങ്ങൾ പൂർത്തിയാക്കി അതിർത്തി കടന്നത്.തുടക്കത്തിൽ ഗൾഫ് രാജ്യങ്ങളിലെ പൗരന്മാർക്ക് മാത്രമാണ് പ്രവേശനം അനുവദിക്കുകയെന്നാണ് സൂചന.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക