January 15, 2020
January 15, 2020
തെഹ്റാൻ : വിദേശശക്തികൾ പശ്ചിമേഷ്യയിലെ സൈന്യത്തെ ഉടൻ പിൻവലിക്കണമെന്നും അല്ലാത്തപക്ഷം സൈനികർ അപകടത്തിൽ പെട്ടേക്കാമെന്നും ഇറാൻ പ്രസിഡന്റ് ഹസൻ റൂഹാനി മുന്നറിയിപ്പ് നൽകി. നിലവിൽ അമേരിക്കൻ സൈനികർ പശ്ചിമേഷ്യയിൽ അപകടത്തിലാണ്. നാളെ യൂറോപ്യൻ സൈനികരും ഈ ഭീഷണി നേരിടേണ്ടിവരുമെന്നും ഹസൻ റൂഹാനി പറഞ്ഞു. ബുധനാഴ്ച ഒരു ടെലിവിഷൻ പരിപാടിയിലാണ് റൂഹാനി ഇക്കാര്യം പറഞ്ഞതെന്ന് അൽജസീറ ഓൺലൈൻ റിപ്പോർട്ട് ചെയ്തു.
ആണവക്കരാറിൽ നിന്ന് പിന്മാറാനുള്ള തീരുമാനവുമായി മുന്നോട്ടു പോയാൽ കടുത്ത പ്രഖ്യാതങ്ങൾ നേരിടേണ്ടിവരുമെന്ന് കഴിഞ്ഞദിവസം ബ്രിട്ടൻ,ഫ്രാൻസ്,ജർമനി എന്നീ രാജ്യങ്ങൾ ചേർന്ന് ഇറാന് മുന്നറിയിപ്പ് നൽകിയിരുന്നു. ഇതിന് പിന്നാലെയാണ് അമേരിക്കക്ക് പുറമെ പശ്ചിമേഷ്യയിലെ മറ്റു വിദേശസൈനികർക്കും റൂഹാനി മുന്നറിയിപ്പ് നൽകിയത്.