August 28, 2019
August 28, 2019
ടെഹ്റാൻ: ഉപരോധം പിൻവലിക്കുന്നത് വരെ അമേരിക്കയുമായി ചർച്ചയ്ക്കില്ലെന്ന് ഇറാൻ പ്രസിഡന്റ് ഹസൻ റൂഹാനി അറിയിച്ചു. ഇറാൻ പ്രസിഡന്റുമായി ഉടൻ ചർച്ച നടത്തുമെന്ന അമേരിക്കൻ പ്രസിഡന്റ് ഡൊണാൾഡ് ട്രംപിന്റെ പ്രഖ്യാപനത്തിനുള്ള മറുപടിയായാണ് അദ്ദേഹം ഇക്കാര്യം പറഞ്ഞത്.
ഉപരോധത്തിൽ നിന്ന് അമേരിക്ക നിരുപാധികം പിൻവാങ്ങുകയാണ് മുന്നോട്ടുള്ള വഴിയെന്നും ഇറാനെതിരെ ചുമത്തിയ നിയമവിരുദ്ധമായ മുഴുവൻ വിലക്കുകളും പിൻവലിക്കണമെന്നും അദ്ദേഹം ആവശ്യപ്പെട്ടു. ഈയൊരു നടപടിയില്ലാതെ പ്രശ്ന പരിഹാരത്തിന് മറ്റൊരു മാർഗമില്ല-ഹസൻ റൂഹാനി വ്യക്തമാക്കി.അനുകൂലമായ മാറ്റങ്ങളിലേക്കുള്ള താക്കോൽ അമേരിക്കയുടെ കൈയിലാണുള്ളതെന്നും റൂഹാനി കൂട്ടിച്ചേർത്തു.
ഫ്രാൻസിൽ നടക്കുന്ന ജി 7 ഉച്ചകോടിക്കിടെ ഇറാനുമായി ചർച്ചക്ക് സന്നദ്ധമാണെന്ന് ട്രംപ് കഴിഞ്ഞ ദിവസം വ്യക്തമാക്കിയിരുന്നു.