December 20, 2020
December 20, 2020
ദോഹ : ഖത്തറിനെതിരായ ഉപരോധവുമായി ബന്ധപ്പെട്ട വിഷയങ്ങൾ ചർച്ച ചെയ്യുന്നതിന് അബുദാബി കിരീടാവകാശി മുഹമ്മദ് ബിൻ സായിദും സൗദി കിരീടാവകാശി മുഹമ്മദ് ബിൻ സൽമാനും കഴിഞ്ഞയാഴ്ച നിയോമിൽ രഹസ്യ കൂടിക്കാഴ്ച നടത്തിയതായി ദി ന്യൂ ഖലിജ് റിപ്പോർട്ട് ചെയ്തു.കൂടിക്കാഴ്ചയുടെ വിശദാംശങ്ങൾ വെളിപ്പെടുത്തിയിട്ടില്ലെങ്കിലും ഖത്തറുമായുള്ള അനുരഞ്ജനത്തെക്കുറിച്ച് പ്രാഥമിക ധാരണയിലെത്തിയാതായി റിയാദിലെ ഉന്നത വൃത്തങ്ങളിൽ നിന്നുള്ള വിവരങ്ങളെ അധികരിച്ചു കൊണ്ടുള്ള റിപ്പോർട്ടിൽ പറയുന്നു.പ്രതിസന്ധി പരിഹരിക്കാൻ സൗദി രാജാവ് സൽമാൻ ബിൻ അബ്ദുൽ അസീസ് ശ്രമിക്കുന്നിടത്തോളം കാലം അനുരഞ്ജന ശ്രമങ്ങളെ തടസ്സപ്പെടുത്തില്ലെന്ന് ബിൻ സായിദ് മുഹമ്മദ് ബിൻ സൽമാന് ഉറപ്പുനൽകിയതായും റിപ്പോർട്ടിൽ വ്യക്തമാക്കുന്നു.
ഖത്തറിനെതിരെ 2017 ജൂണിൽ ഏർപ്പെടുത്തിയ ഉപരോധവുമായി ബന്ധപ്പെട്ട് രൂപപ്പെട്ട ഗൾഫ് പ്രതിസന്ധി പരിഹരിക്കാനുള്ള അന്തിമ കരാർ ജനുവരി അഞ്ചിന് റിയാദിൽ ചേരുന്ന ഗൾഫ് ഉച്ചകോടിയിൽ പ്രഖ്യാമിക്കുമെന്ന് കുവൈത്ത് വിദേശകാര്യ മന്ത്രി ഈയിടെ അറിയിച്ചിരുന്നു.
TELEGRAM
FACEBOOK PAGE
https://www.facebook.com/newsroomme