July 25, 2020
July 25, 2020
റാസല്‍ഖൈമ: യു.എ.ഇയിലെ റാസൽഖൈമയിൽ ജോലിക്കിടെ ടയര്‍ പൊട്ടിത്തെറിച്ചുണ്ടായ അപകടത്തില്‍ മലയാളി ഉള്‍പെടെ രണ്ട് പേര് മരിച്ചു. കൊല്ലം ഇരവിചിറ വെസ്റ്റ് കുറ്റിയില്‍ വീട്ടില്‍ നിസാര്‍ ഹമീദ് കുട്ടിയും (48) ബംഗ്ലാദേശ് സ്വദേശിയുമാണ് മരിച്ചത്. ഹമീദ് കുട്ടി റാസല്‍ഖൈമയിലെ ജസീറയില്‍ റാക് ഫിക്സ് എന്ന സ്ഥാപനത്തില്‍ മെക്കാനിക്കായി ജോലി ചെയ്യുകയായിരുന്നു. ശനിയാഴ്ച വൈകുന്നേരമാണ് സംഭവം. സഹപ്രവര്‍ത്തകനായ ബംഗ്ലാദേശ് സ്വദേശി ട്രക്കിന്റെ ടയര്‍ ശരിയാക്കുന്നതിനിടെയാണ് പൊട്ടിത്തെറിച്ചത്.
ബംഗ്ലാദേശ് സ്വദേശി സംഭവസ്ഥലത്തും നിസാര്‍ ഹമീദ് കുട്ടി ആശുപത്രിയിലുമാണ് മരിച്ചത്. പത്ത് വര്‍ഷമായി ഇവിടെയുള്ള നിസാര്‍ അടുത്ത മാസം വിസ കാന്‍സല്‍ ചെയ്ത് നാട്ടില്‍ പോകാനിരിക്കെയാണ് അപകടമുണ്ടായത്..ഭാര്യ: ഷീജ. പിതാവ്: ഹമീദ് കുട്ടി. മാതാവ്: ഖദീജ ബീവി.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
