Breaking News
അൽ ഉല കരാറിൽ ഖത്തറും ഈജിപ്തും തമ്മിൽ ചർച്ച നടത്തി | നാദാപുരത്ത് പൊള്ളലേറ്റ കുടുംബാംഗങ്ങളിൽ ഗൃഹനാഥൻ മരിച്ചു  | മൊഡേണ, ഫൈസര്‍ വാക്‌സിനുകള്‍ സമാനമാണെന്ന് പൊതുജനാരോഗ്യ മന്ത്രാലയം; സാമ്യങ്ങളും വ്യത്യാസങ്ങളും ഇങ്ങനെ | അല്‍ ഉല കരാര്‍: ഖത്തറും യു.എ.ഇയും കുവൈത്തിൽ കൂടിക്കാഴ്ച നടത്തി | ഖത്തറില്‍ തൊഴിലാളികള്‍ക്ക് തൊഴിൽ മാറാന്‍ കഴിയുന്നത് മൂന്ന് തവണയായി നിജപ്പെടുത്തണമെന്ന് ശൂറ കൗണ്‍സില്‍ | നാദാപുരം ചെക്യാട് ഒരു കുടുംബത്തിലെ നാലു പേർ പൊള്ളലേറ്റ നിലയിൽ  | തട്ടിക്കൊണ്ടുപോയ മാന്നാർ സ്വദേശിനി സ്വർണക്കടത്തിലെ കണ്ണി,പല തവണ ദുബായിൽ നിന്ന് സ്വർണം കടത്തി | ആഭ്യന്തര ആയുധ നിര്‍മ്മാണത്തിനായി 2,000 കോടി ഡോളര്‍ നിക്ഷേപിക്കാന്‍ പദ്ധതിയിട്ട് സൗദി അറേബ്യ | പരീക്ഷകള്‍ക്ക് മുന്നോടിയായി ഖത്തറിലെ സ്‌കൂളുകളില്‍ കര്‍ശനമായ  കൊവിഡ്-19 മുന്‍കരുതല്‍ നടപടികള്‍  | ഹോട്ടൽ കൊറന്റൈന് മുറികൾ ലഭ്യമല്ല,ഖത്തറിലേക്ക് തിരിച്ചുവരാനൊരുങ്ങിയ പ്രവാസികൾ പ്രതിസന്ധിയിൽ |
ഇൻകാസ് ഖത്തർ  വയനാട്ടിൽ നിർമിച്ച 12  വീടുകളുടെ താക്കോൽദാനം രാഹുൽ ഗാന്ധി നിർവഹിച്ചു    

January 31, 2021

January 31, 2021

ദോഹ : സംസ്ഥാനത്ത് ദുരന്തം വിതച്ച പ്രളയത്തില്‍ കിടപ്പാടം നഷ്ടപ്പെട്ടവർക്കായി ഖത്തർ ഇൻകാസ് നിർമിച്ചു നൽകിയ 12 വീടുകളുടെ താക്കോൽ ദാനം രാഹുൽഗാന്ധി എം.പി നിർവഹിച്ചു. വയനാട് പനമരത്തിനടുത്ത് കൂളിവയൽ എന്ന പ്രദേശത്തെ ബി എം ജേ വില്ലേജിൽ  ഇൻകാസ് മുഖ്യരക്ഷാധികാരിയും  ഓ ഐ സി സി ഗ്ലോബൽ പ്രസിഡന്റുമായിരുന്ന അന്തരിച്ച  സി കേ മേനോന്റെ  പേരിൽ ഒ.ഐ.സി സി ഇന്‍കാസ് ഖത്തറാണ് നിരാലംബരായ പന്ത്രണ്ട കുടുംബങ്ങൾക്ക്  വീടുകൾ നിർമിച്ചു നൽകിയത്.വയനാട്ടില്‍ വീടില്ലാത്ത ഒരാള്‍ പോലുമുണ്ടാകരുതെന്ന ചിന്തയോടെ പ്രവര്‍ത്തിക്കാന്‍ നമുക്ക് കഴിയണംമെന്നും പ്രളയവും ഇതേത്തുടർന്നുണ്ടായ ദുരിതങ്ങളും  വയനാട്ടുകാര്‍ക്കിടയില്‍ കൂട്ടായ്മ വളര്‍ത്തിയതായും രാഹുൽഗാന്ധി എം.പി പറഞ്ഞു.വീടില്ലാത്തവർക്കായി അഭയം ഒരുക്കുന്നതിന് സര്‍ക്കാരിനു മുന്നിൽ ശക്തമായ സമ്മര്‍ദ്ദം  ചെലുത്തുമെന്നും അദ്ദേഹം പറഞ്ഞു. 12 വീടുകളും സന്ദർശിച്ചു വീട്ടുകാരുമായി സംസാരിച്ച ശേഷമാണ് രാഹുല്‍ഗാന്ധി അദ്ദേഹം മടങ്ങിയത്.

ഹൃദയപൂർവം ദോഹ എന്ന പേരിൽ ഖത്തറിൽ നടത്തിയ കൽച്ചറൽ പ്രോഗ്രാമിലൂടെ കണ്ടെത്തിയ പണവും, ഉദാരമതികളിൽ നിന്ന് സംഭരിച്ച പണവും, സാധാരണക്കാരായ ഇൻകാസ് പ്രവർത്തകരുടെ സംഭാവനകളും ഉപയോഗിച്ചാണ് വീടുകൾ നിർമിച്ചത്.കോവിഡ് പ്രതിസന്ധി മൂലം ലോകം മുഴുവൻ സാമ്പത്തിക ബുദ്ധുമുട്ടുകളിലൂടെ കടന്നു പോകുന്നതിനിടയിലും നിശ്ചിത സമയത്തിനുള്ളിൽ തന്നെ കയറി താമസിക്കാൻ ഉതകുന്ന രീതിയിൽ ആവശ്യമായ ഫർണിച്ചറും, ഗ്രഹോപകരണങ്ങളും അടക്കം പൂർണ്ണ സജ്ജമായാണു വീടുകൾ കൈമാറിയത്.തുടർന്ന് നടന്ന പൊതുയോഗത്തിൽ ഇൻകാസ് ഖത്തർ സെൻട്രൽ കമ്മിറ്റി പ്രസിഡന്റ് സമീർ ഏറാമല അധ്യക്ഷം വഹിച്ചു. ബി എം ജെ ചെയർമാൻ അബദുൽ മജീദ് സ്വാഗതം പറഞ്ഞു. ചടങ്ങിൽ  എ ഐ സി സി ജനറൽ സെക്രട്ടറി കെ സി വേണുഗോപാലും, കെ പി സി സി വർക്കിങ് പ്രസിഡണ്ട് കെ സുധാകരനും സംസാരിച്ചു..ബെഹ്‌സാദ്‌ ഗ്രൂപ്പ് ചെയർമാൻ ശ്രീ ജെ കെ മേനോൻ വീഡിയോ കോൺഫറൻസിലൂടെ ചടങ്ങിന്  ആശസകൾ നേർന്നു.  ഹൃദയപൂർവം ചെയർമാൻ ആഷിഖ് അഹമ്മദ് നന്ദി രേഖപ്പെടുത്തി.
ന്യൂസ്‌റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.


ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

Latest Related News