January 28, 2021
January 28, 2021
ദോഹ : മതിയായ ആളുകൾക്ക് കോവിഡ് വാക്സിനേഷൻ നൽകി കഴിയുന്നത് വരെ രാജ്യത്ത് തിരിച്ചെത്തുന്നവർക്കുള്ള ഹോട്ടൽ-കൊറന്റൈൻ നിബന്ധനകൾ തുടരുമെന്ന് ഖത്തർ പൊതുജനാരോഗ്യമന്ത്രാലയം അറിയിച്ചു.രണ്ടാം ഘട്ട വാക്സിൻ സ്വീകരിച്ചവർ ഉൾപ്പെടെയുള്ളവർക്ക് ഈ നിയന്ത്രണങ്ങൾ ബാധകമായിരിക്കുമെന്നും ആരോഗ്യമന്ത്രാലയത്തിലെ വാക്സിനേഷൻ വിഭാഗം മേധാവി ഡോ.സൊഹാ അൽ ബയാത്ത് വ്യക്തമാക്കി.
വാക്സിൻ എടുത്തവരും എടുക്കാത്തവരും തമ്മിൽ കോവിഡ് മാനദണ്ഡങ്ങളിൽ നിലവിൽ ഇളവുകളൊന്നും അനുവദിച്ചിട്ടില്ലെന്നും അവർ പറഞ്ഞു.ആവശ്യമായ അളവിൽ വാക്സിൻ നല്കികഴിയുന്നതു വരെ കൊറന്റൈൻ,സാമൂഹിക അകലം,വ്യക്തി ശുചിത്വം എന്നിവ എല്ലാവർക്കും ബാധകമായിരിക്കും.കൂടുതൽ ആളുകൾക്ക് വാക്സിനേഷൻ നൽകുകയും കോവിഡ് വ്യാപനത്തിന്റെ ശൃംഖല തകർക്കാൻ കഴിയുകയും ചെയ്താൽ ഈ നിബന്ധനകളിൽ ഭേദഗതി വരുത്തുമെന്നും അവർ വ്യക്തമാക്കി.
ന്യൂസ്റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.