Breaking News
ഖത്തറില്‍ തീപിടിത്തങ്ങള്‍ ഗണ്യമായി കുറഞ്ഞതായി ആഭ്യന്തര മന്ത്രാലയം | ഹിന്ദുസമുദായം മാന്യമായി പെരുമാറിയത് കൊണ്ടാണ് മുസ്‌ലിംകൾ സ്വസ്ഥമായി ജീവിക്കുന്നതെന്ന് പി.സി ജോർജ്,മരുമകളെ മാമോദിസ മുക്കിച്ചത് ജഗതി ശ്രീകുമാറിന്റെ നിർബന്ധപ്രകാരം   | കുവൈത്തിൽ എല്ലാ യാത്രക്കാരും മുസാഫിർ പോർട്ടലിൽ രജിസ്റ്റർ ചെയ്യണമെന്ന് നിർദേശം | പ്രവാസികൾക്ക് ഇത്തവണയും ഇ-വോട്ട് സൗകര്യമില്ല  | ഖത്തറിലെ ഗാലക്‌സി പ്രിന്റിങ് പ്രസ് ഉടമ മെഹബൂബ് നാട്ടിൽ നിര്യാതനായി | പത്തനംതിട്ട എലന്തൂർ സ്വദേശി ദോഹയിൽ നിര്യാതനായി  | ദുബായിൽ കാണാതായ പ്രവാസി വിദ്യാർത്ഥിനിയെ കണ്ടെത്തി | അൽ മറായി പാലുല്പന്നങ്ങൾ ഖത്തർ വിപണിയിലേക്ക്,നിരവധി തൊഴിലവസരങ്ങൾ   | ബെയ്‌റൂട്ട് സ്‌ഫോടനത്തിന്റെ റിപ്പോര്‍ട്ടിങ്ങിന് അല്‍ ജസീറ ഇംഗ്ലീഷ് ചാനലിന് ആര്‍.ടി.എസ് ബ്രേക്കിങ് ന്യൂസ് പുരസ്‌കാരം; അനുഭവം വിവരിച്ച് മാധ്യമപ്രവര്‍ത്തക (വീഡിയോ) | ഖത്തര്‍ അമീറിന് കുവൈത്ത് അമീറിന്റെ സന്ദേശം |
നാല് രാജ്യങ്ങളില്‍ നിന്ന് ഖത്തറില്‍ എത്തുന്നവര്‍ക്ക് ക്വാറന്റൈന്‍ ഇളവുകള്‍ ലഭിക്കില്ലെന്ന് പൊതുജനാരോഗ്യ മന്ത്രാലയം

January 21, 2021

January 21, 2021

ദോഹ: നാല് രാജ്യങ്ങളില്‍ നിന്ന് ഖത്തറില്‍ എത്തുന്നവര്‍ക്ക് ക്വാറന്റൈന്‍ ഇളവുകള്‍ ലഭിക്കില്ലെന്ന് പൊതുജനാരോഗ്യ മന്ത്രാലയം. യു.കെ, ദക്ഷിണാഫ്രിക്ക, നെതര്‍ലാന്റ്‌സ്, ഡെന്‍മാര്‍ക്ക് എന്നീ രാജ്യങ്ങളില്‍ നിന്ന് ഖത്തറില്‍ എത്തുന്നവര്‍ നിര്‍ബന്ധമായും ഹോട്ടല്‍ ക്വാറന്റൈനില്‍ പോകണം. 

'അടുത്തിടെ പ്രഖ്യാപിച്ച പുതുക്കിയ വിവരങ്ങള്‍ക്ക് പുറമെ, 2021 ജനുവരി 24 ഞായറാഴ്ച മുതല്‍ ഖത്തറിലേക്ക് വരുന്നതും പോകുന്നതും സംബന്ധിച്ച നയങ്ങളിലും ക്വാറന്റൈന്‍ നിബന്ധനയിലുമുള്ള ഇളവുകള്‍ പ്രാബല്യത്തില്‍ വരും. പ്രായവും ആരോഗ്യസ്ഥിതിയും അടിസ്ഥാനമാക്കിയാണ് ക്വാറന്റൈനില്‍ ഇളവ് ലഭിക്കുക. എന്നാല്‍ ഈ ഇളവുകളൊന്നും യു.കെ, റിപ്പബ്ലിക് ഓഫ് സൗത്ത് ആഫ്രിക്ക, നെതര്‍ലാന്റ്‌സ്, ഡെന്‍മാര്‍ക്ക് എന്നീ രാജ്യങ്ങളില്‍ നിന്നെത്തുന്നവര്‍ക്ക് ബാധകമല്ല.' -പൊതുജനാരോഗ്യ മന്ത്രാലയം പ്രസ്താവനയില്‍ പറഞ്ഞു. 

നേരത്തേ ഹോം ക്വാറന്റീന്‍ അനുവദിക്കുന്ന വിഭാഗങ്ങളുടെ പട്ടിക ആരോഗ്യ മന്ത്രാലയം പുതുക്കിയിരുന്നു. ഇനി മുതല്‍ 65 വയസ്സും അതിനു മുകളിലും പ്രായമുള്ളവര്‍ക്ക് മാത്രമാണ് ഹോം കൊറന്റൈന്‍ അനുവദിക്കുക. രാജ്യത്ത് കോവിഡ് പ്രോട്ടോക്കള്‍ പാലിച്ച് കൊണ്ട് എത്തുന്ന എല്ലാ യാത്രക്കാര്‍ക്കും ഇത് ബാധകമായിരിക്കുമെന്നും മന്ത്രാലയം അറിയിച്ചിരുന്നു.

ഹോട്ടല്‍ ക്വാറന്റീന്‍ ആവശ്യമില്ലാത്തതും വീട്ടില്‍ ക്വാറന്റീനില്‍ കഴിയാവുന്നതുമായ പുതിയ പട്ടികയില്‍ ഉള്‍പെടുന്നവര്‍ താഴെ പറയുന്നവരാണ് :

1. 65 വയസ്സും അതിന് മുകളിലുള്ളവരും
2. അവയവ മാറ്റമോ മജ്ജ മാറ്റിവയ്ക്കലോ കഴിഞ്ഞവര്‍
3. ഇമ്യൂണോ സപ്രസീവ് തെറാപ്പി ആവശ്യമുള്ള ആരോഗ്യ പ്രശ്നമുള്ളവര്‍
4. ഹൃദ്രോഗമോ കൊറോണറി ആര്‍ട്ടറി രോഗമോ ഉള്ളവര്‍
5. ആസ്തമയുള്ളവര്‍
6. കാന്‍സര്‍ രോഗികള്‍
7. ഗര്‍ഭിണികള്‍
8. 0 മുതല്‍ അഞ്ച് വരെ പ്രായമുള്ള കുട്ടികളെ പരിപാലിക്കുന്ന മുലകൊടുക്കുന്ന അമ്മമാര്‍
9. മാറാത്ത കിഡ്നി രോഗമുള്ളവരും ഡയാലിസിസിന് വിധേയരാകുന്നവരും
10. മാറാത്ത കരള്‍ രോഗമുള്ളവര്‍
11. കാല്‍ മുറിച്ചു മാറ്റിയവര്‍
12. ദൈനംദിന ജീവിതത്തിന് മറ്റുള്ളവരെ ആശ്രയിക്കേണ്ട ഭിന്നശേഷിക്കാര്‍
13. ഭിന്നശേഷിക്കാരായ കുട്ടികളും അവരുടെ അമ്മമാരും
14. അപസ്മാര രോഗികള്‍
15. ഡയബറ്റിക് ഫൂട്ട് രോഗമുള്ളവര്‍
16. 10 ദിവസത്തിനുള്ളില്‍ അടുത്ത ബന്ധു മരിച്ചവര്‍
17. ചികില്‍സയില്‍ കഴിയുന്നവരും അടച്ചിട്ട അവസ്ഥയില്‍ കഴിഞ്ഞാല്‍ പ്രശ്നമുണ്ടാവാന്‍ സാധ്യതയുള്ളവരുമായ മാനസിക ആരോഗ്യ പ്രശ്നമുള്ളവര്‍
18. ന്യൂറോപ്പതി, കിഡ്നി, കണ്ണു രോഗം തുടുങ്ങിയ പ്രമേഹ സംബന്ധമായ സങ്കീര്‍ണതകളുള്ളവര്‍
19. മുതിര്‍ന്നവര്‍ കൂടെയില്ലാത്ത 18 വയസ്സിന് താഴെ പ്രായമുള്ളവര്‍

മാറാവ്യാധികളുള്ളവര്‍ മെഡിക്കല്‍ റിപോര്‍ട്ടിനായി മൈഹെല്‍ത്ത് പേഷ്യന്റ് പോര്‍ട്ടലില്‍ രജിസ്റ്റര്‍ ചെയ്യണം. അംഗീകൃത ആരോഗ്യ കേന്ദ്രത്തില്‍ നിന്ന് യാത്രയുടെ 72 മണിക്കൂറിനുള്ളില്‍ കോവിഡ് നെഗറ്റീവ് റിപോര്‍ട്ട് നേടുകയോ ഹമദ് മെഡിക്കല്‍ കോര്‍പറേഷന്റെയോ പ്രൈമറി ഹെല്‍ത്ത് കെയര്‍ കോര്‍പറേഷന്റെയോ വെബ്സൈറ്റുകളില്‍ മാറാരോഗത്തിനുള്ള സര്‍ട്ടിഫിക്കറ്റിന് അപേക്ഷിക്കുകയോ ചെയ്യണം.


ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.

ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.

ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.


ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

Latest Related News