January 20, 2020
January 20, 2020
ദോഹ : യു.എൻ സെക്രട്ടറി ജനറൽ അന്റോണിയോ ഗുട്ടറസിന്റെ പ്രത്യേക ഉപദേശകനായി ഖത്തറിൽ നിന്നുള്ള ഡോക്ടർ അഹമ്മദ് ബിൻ മുഹമ്മദ് അൽ മുറൈഖി നിയമിതനായി.യു.എന്നിന്റെ പ്രത്യേക ഓഫീസാണ് ഇക്കാര്യം അറിയിച്ചത്. 2016 മുതൽ 2019 വരെ യു.എൻ സ്‌പെഷ്യൽ ഹ്യുമാനിറ്റേറിയൻ സംഘത്തിൽ പ്രവർത്തിച്ച അദ്ദേഹം ജീവകാരുണ്യ മേഖലയിൽ ശ്രദ്ധേയനാണ്. നിരവധി അന്താരാഷ്ട്ര വേദികളിൽ ഖത്തറിന്റെ സജീവസാന്നിധ്യം കൂടിയാണ്.
മേഖലയുമായി ബന്ധപ്പെട്ട വിഷയങ്ങളിൽ സെക്രട്ടറി ജനറലിന് ആവശ്യമായ നിർദേശം നൽകുകയാണ് പ്രധാന ദൗത്യം.യു.എൻ ദൗത്യത്തിൽ പങ്കാളിയാകുന്നതിന് മുമ്പ് ഖത്തർ വിദേശകാര്യ മന്ത്രാലയത്തിൽ നിരവധി പദവികൾ വഹിച്ചിട്ടുണ്ട്.
