June 22, 2020
June 22, 2020
ദോഹ : ഖത്തറിൽ കോവിഡ് സ്ഥിരീകരിക്കുന്നവരുടെ പ്രതിവാര ശരാശരിയിൽ ഗണ്യമായ കുറവനുഭവപ്പെടുന്നതായി ആസൂത്രണ-സ്ഥിതി വിവര കണക്ക് അതോറിറ്റി അറിയിച്ചു. 100 പേരിൽ പരിശോധന നടത്തിയതിൽ ഈ ആഴ്ച 26 പേർക്ക് മാത്രമാണ് പോസറ്റിവ് സ്ഥിരീകരിച്ചത്.രണ്ടാഴ്ച മുമ്പ് നൂറ് പേരിൽ പരിശോധന നടത്തിയതിൽ 31 പേർക്കാണ് കോവിഡ് സ്ഥിരീകരിച്ചിരുന്നത്..അതോറിറ്റി പുറത്തുവിട്ട ഏറ്റവും പുതിയ പ്രതിവാര ശരാശരി സ്റ്റാറ്റിറ്റിക്സിലാണ് ഇക്കാര്യം വിശദീകരിക്കുന്നത്.ജൂൺ 15 മുതൽ 21 വരെയുള്ള ആഴ്ചയിൽ നടത്തിയ 100 പരിശോധനകളിൽ 25.8 ശതമാനം മാത്രമാണ് കോവിഡ് പോസറ്റിവ് ആയതെന്നാണ് കണക്കുകൾ വ്യക്തമാക്കുന്നത്.
മെയ് 25 മുതൽ 31 വരെയുള്ള ആഴ്ചയിലാണ് ഖത്തറിൽ ഏറ്റവും കൂടുതൽ പേരിൽ കോവിഡ് സ്ഥിരീകരിച്ചത്. ഈ ദിവസങ്ങളിൽ 38.4 ശതമാനമായിരുന്നു പ്രതിവാര ശരാശരി.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക