July 02, 2020
July 02, 2020
ദോഹ : ഖത്തറിൽ കോവിഡ് നിയന്ത്രങ്ങളിലുള്ള രണ്ടാം ഘട്ട ഇളവുകൾ ഇന്നലെ മുതൽ പ്രാബല്യത്തിൽ വന്നെങ്കിലും ഭക്ഷ്യോത്പന്നങ്ങൾ വില്പന നടത്തുന്ന ഗ്രോസറികളും റെസ്റ്റോറന്റുകളും ഫാർമസികളും ഒഴികെയുള്ള സ്ഥാപനങ്ങൾ വാരാന്ത്യങ്ങളിൽ(വെള്ളി,ശനി) പ്രവർത്തിക്കരുതെന്ന് വാണിജ്യ-വ്യവസായ മന്ത്രാലയം അറിയിച്ചു. മാളുകളിലും വാണിജ്യ സമുച്ചയങ്ങളിലും മറ്റു വാണിജ്യകേന്ദ്രങ്ങളിലും പന്ത്രണ്ടു വയസിൽ താഴെ പ്രായമുള്ള കുട്ടികൾക്ക് പ്രവേശനം അനുവദിക്കില്ലെന്നും മന്ത്രാലയം പ്രസ്താവനയിൽ വ്യക്തമാക്കി.
ഖത്തറിൽ കോവിഡ് വ്യാപനം തടയാൻ ലക്ഷ്യമാക്കിയുള്ള നിയന്ത്രണങ്ങൾ നാലുഘട്ടങ്ങളായി പിൻവലിക്കുമെന്ന് ടെഹ്സീയ ദുരന്തനിവാരണ സമിതി നേരത്തെ അറിയിച്ചിരുന്നു.ഇതിന്റെ രണ്ടാം ഘട്ടമാണ് ജൂലായ് ഒന്നു മുതൽ പ്രാബല്യത്തിൽ വന്നത്. ഇതിന്റെ ഭാഗമായി വിവിധ മേഖലകളിൽ നിയന്ത്രണങ്ങളോടെ ഇളവുകൾ അനുവദിച്ചിട്ടുണ്ട്.സ്വകാര്യമേഖലയിലെ പ്രവർത്തി സമയത്തിൽ ഏർപ്പെടുത്തിയിരുന്ന നിയന്ത്രണങ്ങൾ കഴിഞ്ഞ ദിവസം റദ്ദാക്കിയിരുന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക