April 02, 2020
April 02, 2020
ദോഹ : കോവിഡ് വ്യാപനത്തിന്റെ പശ്ചാത്തലത്തിൽ സൂഖ് വാഖിഫ്, അല് വക്റ ഓള്ഡ് സൂഖ് തുടങ്ങിയ പരമ്പരാഗത വാണിജ്യ കേന്ദ്രങ്ങളിലെ കടകൾക്ക് നാല് മാസത്തെ വാടകയിളവ് പ്രഖ്യാപിച്ചു. വൈറസ് വ്യാപനം തടയാനുളള മുൻകരുതൽ നടപടികളുടെ ഭാഗമായി ഏർപെടുത്തിയ നിയന്ത്രണങ്ങള് കാരണമാണ് വാടകയിളവ് പ്രഖ്യാപിച്ചത്..പ്രൈവറ്റ് എന്ജിനീയറിങ് ഓഫീസാണ് ഇക്കാര്യം അറിയിച്ചത്. ഏപ്രില് മുതല് നാല് മാസത്തേക്കാണ് ഇളവ്.
ഓള്ഡ് അല്ഖോര് സൂഖ്, നജാദ മാര്ക്കറ്റ് എന്നിവിടങ്ങളിലെ കടകൾ, സൂഖ് വാഖിഫിനോട് ചേര്ന്നുള്ള ഫാലിഹ്, അസീരി മാര്ക്കറ്റുകള്, ദേയ്റാ മാര്ക്കറ്റ്, നാസര് ബിന് സൈഫ് മാര്ക്കറ്റ് തുടങ്ങി പ്രൈവറ്റ് എന്ജിനീയറിങ് ഓഫീസിന് കീഴിലുള്ള കടകള്ക്കെല്ലാം ഇളവ് ലഭിക്കും. കൊറോണ വൈറസിനെതിരെയുള്ള പ്രതിരോധ പ്രവര്ത്തനങ്ങള് ഊര്ജിതമാക്കുന്നതിന് സ്വകാര്യ മേഖലയെ േപ്രാത്സാഹിപ്പിക്കുന്നതിന്റെയും അധികാരികളുടെ മാര്ഗനിര്ദേശങ്ങളുടെയും ഭാഗമായാണ് വാടകയിനത്തില് ഇളവ് നല്കുന്നതെന്ന് സൂഖ് വാഖിഫ് ഡയറക്ടറും പ്രൈവറ്റ് എന്ജിനീയറിങ് ഓഫീസിലെ ഓള്ഡ് മാര്ക്കറ്റ്സ് ഡിവിഷന് മേധാവിയുമായ മുഹമ്മദ് അല് സാലിം പറഞ്ഞു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.