November 12, 2020
November 12, 2020
ദോഹ : രാജ്യത്തെ സ്ഥാപനങ്ങളില്‍ വിദേശ തൊഴിലാളികളെ റിക്രൂട്ട് ചെയ്യുന്നതിന് അനുമതി നല്‍കാന്‍ തീരുമാനം.നവംബര്‍ 15 ഞായറാഴ്ച മുതലാണ് സ്ഥാപനങ്ങൾക്ക് വിദേശ രാജ്യങ്ങളിൽ നിന്നും ആവശ്യമായ തൊഴിലാളികളെ റിക്രൂട് ചെയ്യാൻ അനുമതി നൽകുക. ഖത്തർ ഭരണ വികസന വികസന, തൊഴില്‍, സാമൂഹിക കാര്യ മന്ത്രാലയമാണ് ഇക്കാര്യം അറിയിച്ചത്.
നിയമനത്തിനുള്ള ഓരോ അപേക്ഷയും അംഗീകരിക്കുന്നതിനു മുമ്പ് തൊഴിലാളികള്‍ക്ക് ന്യായമായ വേതനവും മാന്യമായ താമസസ്ഥലവും നല്‍കുന്നതിലുള്ള സ്ഥാപനത്തിന്റെ എത്രത്തോളം പ്രതിബദ്ധത വിലയിരുത്തുമെന്നും മന്ത്രാലയം വ്യക്തമാക്കി. കൊവിഡിനെ തുടര്‍ന്ന് ഖത്തറിലേക്കും പുറത്തേക്കുമുള്ള യാത്രയില്‍ ഖത്തര്‍ നിയന്ത്രണം ഏര്‍പ്പെടുത്തിയിരുന്നു. യാത്രാ നിയന്ത്രണങ്ങളിൽ മാറ്റം വരുത്തുന്നതിന് അനുസരിച്ച് തൊഴിലാളികള്‍ക്ക് ഖത്തറിലേക്ക് പ്രവേശിക്കാനുള്ള സംവിധാനം നടപ്പാക്കുമെന്നും മന്ത്രാലയം വ്യക്തമാക്കി. കോവിഡിനെ തുടർന്ന് നിർത്തിവെച്ച റിക്രൂട്മെന്റ് നടപടികളാണ് വീണ്ടും പുനരാരംഭിക്കുന്നത്.രാജ്യത്തെ കോവിഡ് വ്യാപനത്തിൽ ഗണ്യമായ കുറവുണ്ടായതിനെ തുടർന്നാണ് തീരുമാനം.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.
