November 27, 2020
November 27, 2020
ദോഹ : കേരളത്തിൽ നിന്ന് ഉൾപ്പെടെ ഇന്ത്യയിൽ നിന്നും പുതിയ തൊഴിൽ വിസകളിൽ ഖത്തറിലേക്ക് പോകുന്നവർക്ക് ഇനി ആശ്വസിക്കാം.കോവിഡ് വ്യാപനമുണ്ടാക്കിയ അനിശ്ചിതത്വത്തിനും ആശങ്കകൾക്കും ശേഷം കമ്പനികൾക്ക് പുതിയ തൊഴിൽ വിസകൾ അനുവദിച്ചു തുടങ്ങിയ സാഹചര്യത്തിൽ നടപടിക്രമങ്ങൾ പൂർത്തിയാക്കുന്നതിനാണ് വിസാ സെന്ററുകൾ വീണ്ടും തുറക്കുന്നത്.ഡിസംബർ ആദ്യ വാരം തന്നെ വിസാ സെന്ററുകൾ തുറക്കുമെന്ന് ഖത്തർ ആഭ്യന്തര മന്ത്രാലയം ട്വിറ്ററിൽ അറിയിച്ചു.
ഡിസംബർ മൂന്നിന് ഇന്ത്യയിൽ ക്യുവിസി തുറക്കുമെന്നും അപ്പോയിന്മെന്റിനായി ഖത്തർ വിസാ സെന്ററിന്റെ ഔദ്യോഗിക വെബ്‌സൈറ്റ് സന്ദർശിക്കണമെന്നും ആഭ്യന്തര മന്ത്രാലയം വ്യക്തമാക്കി. ഇന്ത്യയിൽ കൊച്ചി,ചെന്നൈ,മുംബൈ,ദൽഹി,ലഖ്നോ,ഹൈദരാബാദ് എന്നിവിടങ്ങളിലാണ് വിസാ സെന്ററുകൾ പ്രവർത്തിക്കുന്നത്.അപ്പോയിന്മെന്റ് എടുക്കുന്നതിനുള്ള ലിങ്ക് :
https://www.qatarvisacenter.com/home
കോവിഡ് വ്യാപനത്തെ തുടർന്ന് മാസങ്ങളായി ഖത്തറിലേക്കുള്ള പുതിയ തൊഴിൽ വിസകൾ നിർത്തിവെച്ചിരിക്കുകയായിരുന്നു.ആഴ്ചകൾക്ക് മുമ്പ് റിക്രൂട്മെന്റ് കമ്പനികൾക്കും സ്ഥാപനങ്ങൾക്കുമുള്ള പുതിയ തൊഴിൽ വിസകൾ അനുവദിച്ചു തുടങ്ങിയിട്ടുണ്ടെങ്കിലും ഇന്ത്യയിലെ വിസാ സെന്ററുകൾ തുറക്കാൻ വൈകുന്നത് ആശങ്കയുണ്ടാക്കിയിരുന്നു.മെഡിക്കൽ,ഫിംഗർ,വിസാ സ്റ്റാമ്പിങ് ഉൾപ്പെടെയുള്ള നടപടികൾ വിസാ സെന്ററുകളിൽ പൂർത്തിയാക്കിയാൽ മാത്രമേ പുതിയ വിസകളിൽ ഖത്തറിലേക്ക് യാത്ര ചെയ്യാൻ കഴിയൂ.ഇക്കാര്യത്തിലുള്ള ആശങ്കയാണ് പുതിയ അറിയിപ്പോടെ അവസാനിക്കുന്നത്.
അതേസമയം,ഖത്തറിലേക്കുള്ള ഓൺ അറൈവൽ വിസ,സന്ദർശക വിസകൾ എന്നിവയുടെ കാര്യത്തിൽ ഇനിയും തീരുമാനമായിട്ടില്ല.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.
