February 11, 2021
February 11, 2021
ദോഹ : അപകട സാധ്യത കുറഞ്ഞ രാജ്യങ്ങളുടെ പട്ടികയിൽ ഉൾപെടാത്ത രാജ്യങ്ങളിൽ നിന്നും ഖത്തറിലേക്ക് വരുന്നവർക്ക് ഹോട്ടൽ കൊറന്റൈൻ നിബന്ധനയിൽ ഒരു തരത്തിലുള്ള ഇളവുകളും അനുവദിക്കില്ലെന്ന് ഖത്തർ പൊതുജനാരോഗ്യ അറിയിച്ചു.ഫെബ്രുവരി 14 മുതൽ ഇക്കാര്യത്തിൽ ഒരു തരത്തിലുള്ള ഇളവുകളും ഉണ്ടായിരിക്കില്ലെന്നാണ് മന്ത്രാലയം ട്വീറ്റ് ചെയ്തത്. നിലവിൽ ഇന്ത്യ അപകട സാധ്യത കൂടിയ രാജ്യങ്ങളുടെ പട്ടികയിൽ ആയതിനാൽ ഇന്ത്യയിൽ നിന്നും ഖത്തറിൽ തിരിച്ചെത്തുന്നവർക്കുള്ള എല്ലാവർക്കും ഹോട്ടൽ കൊറന്റൈൻ ഇനി ഒരറിയിപ്പുണ്ടാകുന്നത് വരെ തുടരും.
നേരത്തെ യാത്ര പുറപ്പെടുന്നതിന് മുമ്പ് ഹോട്ടൽ കൊറന്റൈനിൽ നിന്ന് ഒഴിവാക്കപ്പെട്ടവരും ഇതിൽ ഉൾപെടുമെന്നും മന്ത്രാലയം വ്യക്തമാക്കി.ഇത്തരം രാജ്യങ്ങളില് നിന്ന് വരുന്ന ചില വിഭാഗങ്ങള്ക്ക് ഹോട്ടല് ക്വാറന്റീന് വേണ്ടെന്ന നിബന്ധനയാണ് ഇതോടെ റദ്ദാക്കിയത്. . രാജ്യത്തെ കൊറോണ വൈറസ് സ്ഥിതിഗതികളും മറ്റു ലോകരാജ്യങ്ങളിലെ അവസ്ഥയും കണക്കിലെടുത്താണ് തീരുമാനമെന്ന് മന്ത്രാലയം ട്വിറ്ററില് വ്യക്തമാക്കി.
ഖത്തറിന്റെ പുതുക്കിയ അപകട സാധ്യത കുറഞ്ഞ രാജ്യങ്ങളുടെ പട്ടികയിൽ 18 രാജ്യങ്ങളാണുള്ളത്. നേരത്തേ 17 രാജ്യങ്ങളായിരുന്നു ഗ്രീൻ ലിസ്റ്റിൽ ഉൾപെട്ടിരുന്നത്.. ഇന്ത്യ, പാകിസ്താന്, ശ്രീലങ്ക, നേപ്പാള്, ബംഗ്ലാദേശ്, ഫിലിപ്പീന്സ് തുടങ്ങി ഖത്തറില് ഏറ്റവും കൂടുതല് പ്രവാസികളുള്ള രാജ്യക്കാര് നിലവില് ഈ പട്ടികയില് ഇല്ല. എന്നാല്, ചൈന, ജപ്പാന്, സിംഗപ്പൂര്, മലേസ്യ തുടങ്ങിയ 11 ഏഷ്യന് രാജ്യക്കാര് ഗ്രീൻ ലിസ്റ്റിൽ ഉൾപെട്ടിരുന്നു.
ന്യൂസ്റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.