November 28, 2020
November 28, 2020
ദോഹ : ഇറാൻ ആണവ പദ്ധതിയുടെ ശിൽപി മൊഹ്‌സിൻ ഫക്രിസാദയുടെ വധത്തെ ഖത്തർ അപലപിച്ചു.ഫക്രിസാദയുടെ കൊലപാതകം വ്യക്തമായ മനുഷ്യാവകാശ ലംഘനമാണെന്ന് ഖത്തർ വിദേശകാര്യ മന്ത്രിയും ഉപ പ്രധാനമന്ത്രിയുമായ ശൈഖ് മുഹമ്മദ് ബിൻ അബ്ദുൽറഹിമാൻ അൽതാനി പറഞ്ഞു.ഇറാൻ വിദേശകാര്യ മന്ത്രി ജാവേദ് ശരീഫുമായി നടത്തിയ ഫോൺ സംഭാഷണത്തിലാണ് അദ്ദേഹം ഇക്കാര്യം പറഞ്ഞത്.
സംഘര്ഷങ്ങള് അവസാനിപ്പിച്ച് സമവായത്തിനും സംഭാഷണത്തിനുമുള്ള അവസരങ്ങൾ തേടുന്നതിനിടെ ഉണ്ടായ ആക്രമണം,സംഘർഷം വർധിപ്പിക്കാൻ മാത്രമേ സഹായിക്കൂ എന്ന് ഖത്തർ വിദേശകാര്യ മന്ത്രി പ്രതികരിച്ചു.വിഷയത്തിൽ സംയമനം പാലിക്കാനും സംഘർഷം ലഘൂകരിക്കാനുള്ള ശ്രമങ്ങൾ ഊര്ജിതമാക്കാനും അദ്ദേഹം ആവശ്യപ്പെട്ടു.ഖത്തറിന്റെ നിലപാടുകളെ ജാവേദ് ശരീഫ് അഭിനന്ദിച്ചു.
ഇരു രാജ്യങ്ങൾക്കുമിടയിലെ ഉഭയകക്ഷി സഹകരണവും മേഖലയിലെ പൊതുതാല്പര്യമുള്ള വിഷയങ്ങളും ഇരു നേതാക്കളും ചർച്ച ചെയ്തതായി പ്രാദേശിക മാധ്യമങ്ങൾ റിപ്പോർട്ട് ചെയ്തു.
ന്യൂസ്‌റൂം വാർത്തകൾ വാട്ട്സ്ആപ്പിൽ മുടങ്ങാതെ ലഭിക്കാൻ +974 66200 167 എന്ന നമ്പറിൽ സന്ദേശം അയക്കുക.
ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക.
