November 29, 2020
November 29, 2020
ദോഹ: ഖത്തറില് ഇന്ന് പുതുതായി 171 പേര്ക്ക് കൊവിഡ്-19 രോഗം സ്ഥിരീകരിച്ചു. ഇതില് 125 പേര് സമ്പര്ക്കത്തിലൂടെ രോഗം ബാധിച്ചവരും 46 പേര് വിദേശത്തു നിന്ന് എത്തിയവരുമാണെന്ന് ഖത്തര് പൊതുജനാരോഗ്യ മന്ത്രാലയം അറിയിച്ചു.
കഴിഞ്ഞ 24 മണിക്കൂറിനിടെ 211 പേര് രോഗമുക്തി നേടി. രോഗമുക്തി നേടിയവരുടെ ആകെ എണ്ണം ഇതോടെ 135,862 ആയി. ഖത്തറില് 237 പേരാണ് ഇതുവരെ കൊവിഡ്-19 ബാധിച്ച് മരിച്ചത്.
രാജ്യത്ത് ആകെ കൊവിഡ് ബാധിച്ചവരുടെ എണ്ണം 138,648 ആയി. ഇതില് 2549 ആക്ടീവ് കേസുകളാണ് നിലവിലുള്ളത്.
കഴിഞ്ഞ 24 മണിക്കൂറിനിടെ 7,566 ടെസ്റ്റുകളാണ് ആകെ നടത്തിയത്. ഇതില് 3,212 പേര് ആദ്യമായി ടെസ്റ്റ് നടത്തിയവരാണ്. ഖത്തറില് ഇതുവരെ ആകെ 1,108,078 ടെസ്റ്റുകളാണ് നടത്തിയത്.
രോഗം ബാധിച്ച 29 പേരെയാണ് കഴിഞ്ഞ 24 മണിക്കഉൂറിനിടെ ആശുപത്രിയിലേക്ക് മാറ്റിയത്. ഇതോടെ ആശുപത്രിയില് ചികിത്സയിലുള്ള ആകെ രോഗികളുടെ എണ്ണം 279 ആയി. ഐ.സി.യുവിലേക്ക് പുതുതായി ആരെയും മാറ്റിയിട്ടില്ല. നിലവില് ഐ.സി.യുവില് ചികിത്സയിലുള്ളത് 33 പേരാണ്.
രോഗം സ്ഥിരീകരിച്ച എല്ലാവരെയും ഐസൊലേഷനിലാക്കുകയും ആവശ്യമായ ചികിത്സ ലഭ്യമാക്കുകയും ചെയ്തിട്ടുണ്ട്.
കൊവിഡ് വ്യാപനം നിയന്ത്രക്കാനായി ശാരീരിക അകലം പാലിക്കണമെന്നും മാസ്ക് ധരിക്കണമെന്നും കൈകള് ഇടയ്ക്കിടെ സോപ്പുപയോഗിച്ച് കഴുകണമെന്നും ആള്ക്കൂട്ടങ്ങള് ഒഴിവാക്കണമെന്നും മന്ത്രാലയം ജനങ്ങളോട് അഭ്യര്ത്ഥിച്ചു.
ന്യൂസ്റൂം വാർത്തകൾ ടെലിഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക.