May 22, 2020
May 22, 2020
ദോഹ : ഖത്തറിൽ വെള്ളിയാഴ്ച രണ്ടു പേർ കൂടി കോവിഡ് ബാധിച്ച് മരിച്ചു. ഇതോടെ രാജ്യത്തെ കോവിഡ് മരണ സംഖ്യ പത്തൊൻപതായി. ഇന്ന് 1830 പേർക്കാണ് പുതുതായി രോഗം സ്ഥിരീകരിച്ചത്. രാജ്യത്ത് രോഗം സ്ഥിരീകരിച്ചവരുടെ എണ്ണം ഇതോടെ 40,581 ആയി.
50 ഉം 43 ഉം വയസ്സുള്ള രണ്ടു പേരാണ് മരണപ്പെട്ടത്.ഇവർ ഏതു രാജ്യക്കാരാണെന്ന് പൊതുജനാരോഗ്യ മന്ത്രാലയം വ്യക്തമാക്കിയിട്ടില്ല.
ഇന്ന് 605 പേരാണ് പുതുതായി സുഖം പ്രാപിച്ചത്. ഇതോടെ രോഗവിമുക്തി നേടിയവരുടെ എണ്ണം 7893 ആയി.നിലവിൽ 32,569 ചികിത്സയിൽ തുടരുന്നത്. ഇവരിൽ 175 പേർ തീവ്ര പരിചരണ വിഭാഗത്തിലാണ്. 13 പേരെയാണ് കഴിഞ്ഞ 24 മണിക്കൂറിനിടെ തീവ്രപരിചരണ വിഭാഗത്തിൽ പ്രവേശിപ്പിച്ചത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക