March 31, 2020
March 31, 2020
ദോഹ : ഖത്തറിൽ ഇന്ന് ഒരു കോവിഡ് മരണം കൂടി സ്ഥിരീകരിച്ചു. കഴിഞ്ഞ 24 മണിക്കൂറിനിടെ 88 പേരിലാണ് പുതുതായി രോഗബാധ സ്ഥിരീകരിച്ചത്. ഇതോടെ രാജ്യത്ത് മൊത്തം രോഗബാധിതരുടെ എണ്ണം 781 ആയി. 62 പേർ ഇതുവരെ സുഖം പ്രാപിച്ചിട്ടുണ്ട്.ഇന്ന് മാത്രം പതിനൊന്ന് പേർ സുഖം പ്രാപിച്ചിട്ടുണ്ട്. നേരത്തെ വിദേശത്തു നിന്നും തിരിച്ചെത്തിയ രോഗബാധിതരുമായി സമ്പർക്കം പുലർത്തിയവരാണ് ഇന്ന് രോഗം സ്ഥിരീകരിച്ചവരിൽ കൂടുതലും. പൊതുജനാരോഗ്യ മന്ത്രാലയം പ്രസ്താവനയിലാണ് ഇക്കാര്യം അറിയിച്ചത്.
ഇതോടെ രാജ്യത്ത് കോവിഡ് ബാധിച്ചു മരിച്ചവരുടെ എണ്ണം രണ്ടായി. 58 കാരനാണ് മരിച്ചതെന്ന് മാത്രമാണ് പൊതുജനാരോഗ്യ മന്ത്രാലയം അറിയിച്ചത്. ഇയാൾ ഏത് രാജ്യക്കാരനാണെന്ന് വ്യക്തമല്ല. ഈ മാസം 28 നാണ് ഖത്തറിൽ ആദ്യ കോവിഡ് മരണം റിപ്പോർട്ട് ചെയ്തത്. 57 കാരനായ ബംഗ്ലാദേശ് പൗരനാണ് അന്ന് മരണപ്പെട്ടത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
