May 28, 2020
May 28, 2020
ദോഹ : ഖത്തറിൽ കഴിഞ്ഞ 24 മണിക്കൂറിനിടെ കോവിഡ് ബാധിച്ച് ചികിത്സയിലായിരുന്ന മൂന്ന് പേർ കൂടി മരിച്ചതോടെ മരണ സംഖ്യ മുപ്പത്തിമൂന്നായി.അതേസമയം,സുഖം പ്രാപിക്കുന്നവരുടെ എണ്ണത്തിൽ റെക്കോർഡ് വർധനവാണ് രേഖപ്പെടുത്തിയത്. 2116 പേർക്കാണ് പുതുതായി രോഗമുക്തി ലഭിച്ചത്. ഇതോടെ സുഖം പ്രാപിച്ചവരുടെ എണ്ണം 15,399 ആയി ഉയർന്നു.ഖത്തറിൽ കോവിഡ് വ്യാപനം തുടങ്ങിയ ശേഷം ഇതാദ്യമായാണ് പുതുതായി രോഗം സ്ഥിരീകരിക്കുന്നവരേക്കാൾ കൂടുതൽ രോഗമുക്തി റിപ്പോർട്ട് ചെയ്യപ്പെടുന്നത്.
ഇന്ന് 1967 പേരിലാണ് പുതുതായി രോഗം സ്ഥിരീകരിച്ചത്. ഇതും ഒരു ദിവസം രോഗം സ്ഥിരീകരിക്കുന്ന ഏറ്റവും ഉയർന്ന നിരക്കാണ്.23 പേരെയാണ് പുതുതായി ഐസിയുവിൽ പ്രവേശിപ്പിച്ചത്. തീവ്രപരിചരണ വിഭാഗത്തിൽ കഴിയുന്നവരുടെ എണ്ണം ഇതോടെ 214 ആയി.35482 പേരാണ് നിലവിൽ രാജ്യത്ത് കോവിഡ് ബാധിതരായി ഉള്ളത്. ഇതുവരെ 207033 പേരിലാണ് രോഗപരിശോധന നടത്തിയത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക