May 25, 2020
May 25, 2020
ദോഹ : ഖത്തറിൽ തിങ്കളാഴ്ച മൂന്ന് കോവിഡ് മരണങ്ങൾ കൂടി റിപ്പോർട്ട് ചെയ്തു .52 ഉം 62 ഉം 65 ഉം വയസ്സുള്ള മൂന്ന് പേരാണ് മരിച്ചത്. നിരവധി ആരോഗ്യ പ്രശ്നങ്ങളുള്ള രോഗികളാണ് മരിച്ചത്. എന്നാൽ ഇവർ ഏതു രാജ്യക്കാരാണെന്ന് പൊതുജനാരോഗ്യ മന്ത്രാലയം വ്യക്തമാക്കിയിട്ടില്ല. ഇതോടെ മരണ സംഖ്യ ഇരുപത്തിയാറായി. തിങ്കളാഴ്ച 1751 പേർക്കാണ് പുതുതായി രോഗം സ്ഥിരീകരിച്ചത്.അതേസമയം കോവിഡ് വ്യാപനം തുടങ്ങിയ ശേഷമുള്ള ഏറ്റവും ഉയർന്ന രോഗമുക്തിയാണ് കഴിഞ്ഞ 24 മണിക്കൂറിനിടെ റിപ്പോർട്ട് ചെയ്തത്. 1193 പേർക്ക് കൂടി അസുഖം ഭേദമായതോടെ രോഗമുക്തി നേടിയവരുടെ എണ്ണം 10,363 ആയി.
1895 പേരാണ് ആശുപത്രിയിൽ ചികിത്സയിൽ ഉള്ളത്. 22 പേരെയാണ് കഴിഞ്ഞ 24 മണിക്കൂറിനിടെ തീവ്രപരിചരണ വിഭാഗത്തിൽ പ്രവേശിപ്പിച്ചത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക