May 09, 2020
May 09, 2020
ദോഹ : ഖത്തറിൽ 1130 പേരിൽ കൂടി കോവിഡ് 19 സ്ഥിരീകരിച്ചതായി പൊതുജനാരോഗ്യ മന്ത്രാലയം അറിയിച്ചു. ഒരു മരണം കൂടി റിപ്പോർട്ട് ചെയ്തതോടെ മരണസംഖ്യ പതിമൂന്നായി. കാസര്കോഡ് സ്വദേശി പടന്നക്കാട് റഹീന മന്സിലില് എ അബ്ദുല് റസാഖ്(50) ഇന്നലെ കോവിഡ് ബാധിച്ച് മരിച്ചതായി റിപ്പോർട്ട് ഉണ്ടായിരുന്നു. തുടർച്ചയായ രണ്ടാം ദിവസമാണ് ഖത്തറിൽ ആയിരത്തിന് മുകളിൽ കോവിഡ് സ്ഥിരീകരിക്കുന്നത്. ഇന്നലെ 1311 പേർക്ക് രോഗം സ്ഥിരീകരിച്ചിരുന്നു.
ഇതോടെ രാജ്യത്ത് കോവിഡ് ബാധയേറ്റ് ചികിത്സയിൽ തുടരുന്നവരുടെ എണ്ണം 18,819 ആയി. കഴിഞ്ഞ 24 മണിക്കൂറിൽ 129 പേരാണ് പുതുതായി രോഗവിമുക്തി നേടിയത്. ഇതുവരെ 2449 പേർ സുഖം പ്രാപിച്ചിട്ടുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.