April 15, 2020
April 15, 2020
ദോഹ : രാജ്യത്ത് മഴ ശക്തി പ്രാപിച്ചതിനാൽ വാഹനമോടിക്കുന്നവർ ജാഗ്രത പാലിക്കണമെന്ന് പൊതുമരാമത്ത് വിഭാഗമായ അശ്ഗാൽ മുന്നറിയിപ്പ് നൽകി. ഇന്നലെ രാജ്യത്തിന്റെ പല ഭാഗങ്ങളിലും മഴ ലഭിച്ചിരുന്നെങ്കിലും ഇന്നലെ അർധരാത്രിയോടെ മഴ ശക്തി പ്രാപിച്ചിട്ടുണ്ട്. ഇടിമിന്നലോടുകൂടിയ ശക്തമായ മഴയാണ് രാജ്യത്ത് അനുഭവപ്പെടുന്നത്.വാരാന്ത്യം വരെ മഴ തുടരുമെന്ന് കാലാവസ്ഥാ വിഭാഗം മുന്നറിയിപ്പ് നൽകിയിട്ടുണ്ട്.
മഴയുള്ളപ്പോൾ വാഹനമോടിക്കുന്നവർ അതീവ ജാഗ്രത പാലിക്കണമെന്ന് പൊതുമരാമത്ത് വിഭാഗമായ അശ്ഗാൽ പൊതുജനങ്ങൾക്ക് മുന്നറിയിപ്പ് നൽകി. പാലങ്ങളിലൂടെയും അടിപ്പാതകളിലൂടെയും വാഹനമോടിക്കുമ്പോൾ പ്രത്യേകം ജാഗ്രത പുലർത്തണം. പ്രധാന റോഡിൽ നിന്ന് മാറി മണൽവഴികളിലൂടെ വാഹനമോടിക്കരുത്. വഴി തിരിച്ചുവിടൽ സൂചനകൾ ശ്രദ്ധിച്ചു മാത്രം വാഹനമോടിക്കണമെന്നും ഡ്രൈവിങ്ങിനിടെ മൊബൈൽ ഫോൺ ഒരു കാരണവശാലും ഉപയോഗിക്കരുതെന്നും നിർദേശിച്ചിട്ടുണ്ട്.
മഴവെള്ളം നീക്കം ചെയ്യാനുള്ള പ്രവർത്തനങ്ങൾ കഴിഞ്ഞ ദിവസം മുതൽ രാജ്യത്തിന്റെ വിവിധ ഭാഗങ്ങളിൽ തകൃതിയായി നടന്നുവരികയാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
