August 13, 2020
August 13, 2020
ദോഹ : കോവിഡ് പശ്ചാത്തലത്തിൽ ഖത്തറിൽ നിന്നും തിരിച്ചുപോകാൻ കഴിയാതെ തുടരുന്ന വിദേശികളുടെ ഓൺഅറൈവൽ വിസകൾ ഒരു മാസത്തേക്ക് കൂടി പുതുക്കി നൽകുന്നു.ഈ മാസം 20 ന് കാലാവധി അവസാനിക്കുന്ന പലർക്കും ഇന്നു മുതൽ വിസാ കാലാവധി നീട്ടി നൽകി തുടങ്ങിയിട്ടുണ്ട്. കഴിഞ്ഞ ഫെബ്രുവരിയിൽ ഒരു മാസത്തെ സന്ദർശക വിസയിൽ എത്തിയവർക്കാണ് ഈ ആനുകൂല്യം ലഭിക്കുന്നത്.
ഒരു മാസത്തെ സന്ദർശക വിസയിൽ രാജ്യത്ത് പ്രവേശിച്ചവർ മുപ്പത് ദിവസങ്ങൾക്കകം രാജ്യം വിടണമെന്നായിരുന്നു നേരത്തെയുണ്ടായിരുന്ന നിബന്ധന. എന്നാൽ കോവിഡ് വ്യാപനത്തിന്റെ പശ്ചാത്തലത്തിൽ ഇന്ത്യ ഉൾപെടെ പല രാജ്യങ്ങളിലും യാത്രാവിലക്കുള്ളതിനാൽ വിസാ കാലാവധി ഫീസൊന്നും ഈടാക്കാതെ സ്വമേധയാ പുതുക്കി നൽകുകയായിരുന്നു. നിലവിൽ വന്ദേഭാരത് മിഷൻ വഴി ഇന്ത്യയിലേക്ക് മടങ്ങാൻ വിമാന സർവീസുകൾ ഉണ്ടെങ്കിലും മാനുഷിക പരിഗണയിൽ കഴിഞ്ഞ ഏതാനും മാസങ്ങളായി സ്വമേധയാ പുതുക്കി നൽകുകയാണ്.ഇതനുസരിച്ച് സെപ്തംബർ 20 വരെയാണ് ഇപ്പോൾ ഓൺ അറൈവൽ വിസകൾ സ്വമേധയാ പുതുക്കുന്നത്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും വാട്സ്ആപ്പിൽ മുടങ്ങാതെ ലഭിക്കാൻ ഈ ലിങ്കിൽ ചേരുക