December 11, 2019
December 11, 2019
ദോഹ : ഖത്തർ ദേശീയ ദിനാഘോഷങ്ങൾക്ക് ദർബൽസായി മൈതാനിയിൽ നാളെ തുടക്കമാകും. ഇതിനുള്ള എല്ലാ ഒരുക്കങ്ങളും പൂർത്തിയായതായി അധികൃതർ അറിയിച്ചു. നാളെ വൈകീട്ട് മൂന്നു മണിയോടെയാണ് ആ ഘോഷപരിപാടികൾക്ക് ഔദ്യോഗികമായി
തുടക്കമാവുക. വിവിധ പ്രദർശനങ്ങളും കുട്ടികൾക്കും മുതിർന്നവർക്കും ആസ്വദിക്കാനാവുന്ന വിവിധ വിനോദപരിപാടികളുമാണ് ദർബൽസായി മൈതാനിയിൽ ഉണ്ടാവുക. 'മികവിന്റെ പാത കഠിനമാണ്' എന്ന ആശയത്തെ മുൻനിർത്തിയുള്ള
ദേശീയ ദിനാഘോഷം ഈ മാസം 20 വരെ തുടരും.
വ്യാഴാഴ്ച വൈകീട്ട് നാലിനും ആറിനുമിടയിൽ ആസ്പയർ പാർക്കിൽ പാരാഗ്ലൈഡിങ് വ്യോമ പ്രദർശനം നടക്കും. ഖത്തർ ദേശീയ പതാകകൾ വഹിച്ചുകൊണ്ടുള്ള പാരാഗ്ലൈഡുകൾ ആകാശത്ത് വർണങ്ങൾ വിതറും. ഡിസംബർ 13 ന് ദോഹകോർണിഷിൽ വ്യോമാഭ്യാസം കാണാൻ അവസരമുണ്ടാകും. ഡിസംബർ 15 ഞായറാഴ്ച വൈകീട്ട് നാലിനും ആറിനുമിടയിൽ ദർബൽസായി മൈതാനിയിലും ഡിസംബർ 17 ചൊവ്വാഴ്ച കത്താറയിലും വ്യോമാഭ്യാസം നടക്കും.
ഡിസംബർ 18 ന് ദോഹ കോർണിഷിലാണ് സൈനിക പരേഡ് ഉൾപെടെയുള്ള പ്രധാന ആഘോഷപരിപാടികൾ നടക്കുക.