November 14, 2020
November 14, 2020
ദോഹ : ഇഹ്തിറാസ് ആപ്പ് തുടര്ച്ചയായി ഡിലീറ്റ് ചെയ്യുന്നതും ഡൗണ്ലോഡ് ചെയ്യുന്നതും ഒഴിവാക്കണമെന്ന് ഖത്തര് ആഭ്യന്തര മന്ത്രാലയം ആവശ്യപ്പെട്ടു.. ആപ്പ് അണ്ഇന്സ്റ്റാള് ചെയ്യാതെ ഫോണില് തന്നെ സജീവമായി നിലനിര്ത്തണമെന്നും മന്ത്രാലയം നിർദേശിച്ചു. ആരോഗ്യ ബോധവല്ക്കരണത്തിനും കൊവിഡ് കോണ്ടാക്റ്റ് ട്രെയ്സിങ്ങിനുമെല്ലാമായി ഉപയോഗിക്കുന്ന ഖത്തറിന്റെ ആപ്പാണ് ഇഹ്തിറാസ്.
ആപ്പ് ഉപയോഗിക്കുമ്പോള് എന്തെങ്കിലും സാങ്കേതിക പ്രശ്നങ്ങള് ഉണ്ടായാല് 109 ല് ബന്ധപ്പെടാമെന്നും ആഭ്യന്തര മന്ത്രാലയം ട്വീറ്റ് ചെയ്തു. ഇഹ്തിറാസ് ആപ്പ് ശരിയായി പ്രവര്ത്തിക്കുന്നു എന്ന് ഉറപ്പുവരുത്തണം. ഫോണിലെ ബ്ലൂടൂത്ത്, ലൊക്കേഷന് എന്നിവ ഓണ് ചെയ്തിരിക്കുകയും ഇന്റര്നെറ്റുമായി കണക്റ്റ് ചെയ്തിരിക്കുകയും വേണമെന്നും മന്ത്രാലയം അനുബന്ധമായി ഓർമിപ്പിച്ചു.
ആപ്പ് ഉപയോഗിക്കുന്നതിലൂടെ വിവിധ സേവനങ്ങള് ജനങ്ങള്ക്ക് ലഭ്യമാകുകയും വൈറസ് വ്യാപനം തടയാന് സഹായിക്കുകയും ചെയ്യും. കൊവിഡുമായി ബന്ധപ്പെട്ട ഏറ്റവും പുതിയ സംഭവവികാസങ്ങള്, സ്ഥിതിവിവരക്കണക്കുകള്, അറിയിപ്പുകള്, ജാഗ്രതാ നിര്ദ്ദേശങ്ങള്, ബോധവല്ക്കരണ നിര്ദ്ദേശങ്ങള് എന്നിവയാണ് ആപ്പിലൂടെ ലഭിക്കുക.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.